កិច្ចសហប្រតិបត្តិការតាមមូលដ្ឋានគឺជាបណ្តាញដ៏សំខាន់ក្នុងទំនាក់ទំនងវៀតណាម-ជប៉ុន
កប.អនឡាញ - ក្នុងដំណើរបំពេញទស្សនកិច្ចនៅប្រទេសជប៉ុន អញ្ជើញចូលរួមទិវាបុណ្យឯករាជ្យជាតិវៀតណាមនៅឯពិព័រណ៍ Osaka EXPO 2025 នាថ្ងៃទី ៨ ខែកញ្ញា លោក Le Thanh Long ឧបនាយករដ្ឋមន្ត្រី បានទទួលជួបលោក Yoshimura Hirofumi អភិបាលខេត្ត Osaka ។
លោក Le Thanh Long បានសម្តែងនូវក្តីសោមនស្សរីករាយចំពោះការអភិវឌ្ឍដ៏ល្អនៃទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយវៀតណាម - ជប៉ុន ជាពិសេសកិច្ចសហប្រតិបត្តិការតាមមូលដ្ឋាន ដោយមានការបង្កើតដៃគូសហប្រតិបត្តិការតាមមូលដ្ឋានជាង ១០០ នៃប្រទេសទាំងពីរ។ កិច្ចសហប្រតិបត្តិការសេដ្ឋកិច្ចគឺជាចំណុចភ្លឺនៅពេលដែលសហគ្រាស Osaka ជាច្រើនកំពុងវិនិយោគនៅវៀតណាម។ ការផ្លាស់ប្តូរប្រជាជន និងប្រជាជន កិច្ចសហប្រតិបត្តិការវប្បធម៌មានភាពជិតស្និទ្ធ រួមចំណែកបង្កើនការយល់ដឹងរវាងប្រជាជននៃប្រទេសទាំងពីរ។
    |
 |
|
លោក Le Thanh Long ឧបនាយករដ្ឋមន្ត្រី បានទទួលជួបលោក Yoshimura Hirofumi អភិបាលខេត្ត Osaka |
ដោយអះអាងថា វៀតណាមចាត់ទុកកិច្ចសហប្រតិបត្តិការក្នុងតំបន់ជាបណ្តាញសំខាន់ និងជាក់ស្តែងក្នុងការធ្វើឱ្យទំនាក់ទំនងវៀតណាម-ជប៉ុនកាន់តែស៊ីជម្រៅ លោកឧបនាយករដ្ឋមន្ត្រីបានស្នើថា អភិបាលខេត្ត និងរដ្ឋាភិបាលខេត្ត Osaka បន្តជំរុញកិច្ចសហប្រតិបត្តិការជាមួយមូលដ្ឋានវៀតណាមលើវិស័យព័ត៌មានវិទ្យា បញ្ញាសិប្បនិមិត្ត សារធាតុ semiconductors ជីវបច្ចេកវិទ្យា សម្ភារៈសំណង់ ការការពារបរិស្ថាន ការគ្រប់គ្រងកាកសំណល់ និងបច្ចេកវិទ្យាកែច្នៃអាហារ។ គាំទ្រសហគ្រាសជប៉ុនមកបណ្តាក់ទុននៅវៀតណាម; បើកជើងហោះហើរបន្ថែមទៀតរវាងប្រទេសទាំងពីរ ដើម្បីជំរុញទេសចរណ៍ និងការផ្លាស់ប្តូរប្រជាជន...
អភិបាលខេត្ត Yoshimura មានប្រសាសន៍ថា ផ្ទះតាំងពិព័រណ៍វៀតណាមនៅឯ EXPO Osaka 2025 គឺជាកន្លែងតាំងពិពណ៌ជាតិមួយដែលបានត្រូវបានភ្ញៀវទេសចរជប៉ុន និងអន្តរជាតិច្រើនមកទស្សនា។ លោកបានវាយតម្លៃថា ការផ្លាស់ប្តូរវប្បធម៌ និងកិច្ចសហប្រតិបត្តិការនឹងជំរុញការយោគយល់គ្នា រួមចំណែកលើកកម្ពស់ការផ្លាស់ប្តូរប្រជាជន និងប្រជាជនរវាងប្រទេសទាំងពីរ។
បកប្រែដោយ Thanh Cong