លោក Luong Cuong ប្រធានរដ្ឋ ជួបសំណេះសំណាលជាមួយគណៈប្រតិភូនៃសមាគមជំរុញការសិក្សាគំរូលើទូទាំងប្រទេស

ថ្លែងមតិក្នុងជំនួបនេះ លោក Luong Cuong ប្រធានរដ្ឋ បានអះអាងថា វៀតណាមកំពុងឈរនៅចំពោះមុខរបត់ជាប្រវត្តិសាស្ត្រ ដើម្បីឈានចូលយុគសម័យថ្មីនៃការអភិវឌ្ឍដ៏ខ្លាំងក្លា និងប្រកបដោយវិបុលភាព។ ដូច្នេះហើយ ការកសាងប្រទេសជាតិ ឱ្យឆ្ពោះទៅរកការសិក្សាពេញមួយជីវិតសម្រាប់ប្រជាពលរដ្ឋគ្រប់រូប គឺជាភារកិច្ចដ៏មានសារៈសំខាន់ខ្លាំង មិនត្រឹមតែជាគោលដៅមនុស្សសាស្ត្រប៉ុណ្ណោះទេ ថែមទាំងក៏ជាតម្រូវការបន្ទាន់ ដើម្បីបង្កើនសមត្ថភាពប្រកួតប្រជែងជាតិ អភិវឌ្ឍទេពកោសល្យ និងពង្រឹងកម្លាំងផ្ទៃក្នុងជាតិទៀតផង។ លើសពីនេះ លោកប្រធានរដ្ឋក៏បានសង្កត់ធ្ងន់លើភាពចាំបាច់ក្នុងការផ្សារភ្ជាប់ការងារជំរុញការសិក្សាជាមួយនឹងការធ្វើបរិវត្តកម្មឌីជីថល និងបរិវត្តកម្មបៃតងជាតិ។

លោក Luong Cuong ប្រធានរដ្ឋ ថ្លែងក្នុងជំនួប (រូបថត៖ Viet Cuong/VOV)

លោកប្រធានរដ្ឋបានស្នើថា៖ ផ្តោតលើការពង្រឹង និងអភិវឌ្ឍមជ្ឈមណ្ឌលសិក្សាសហគមន៍តាមទិសដៅឌីជីថលនិងបៃតង ស្រាវជ្រាវក្រមលក្ខណៈវិនិច្ឆ័យសម្រាប់ការវាយតម្លៃ “អង្គភាពជំរុញការសិក្សាបៃតង” ថ្នាក់ឃុំ; ជំរុញការសម្របសម្រួលរវាងសាលារៀន គ្រួសារ និងសង្គមក្នុងការកសាង “សាលារៀនបៃតង” ដើម្បីលើកកម្ពស់ការយល់ដឹងរបស់ប្រជាពលរដ្ឋអំពីបរិស្ថានអប់រំ ដែលត្រូវតែជាមជ្ឈមណ្ឌលបណ្តុះបណ្តាលមនុស្ស ឱ្យអភិវឌ្ឍគ្រប់ជ្រុងជ្រោយទាំងបុគ្គលិកលក្ខណៈ គុណសម្បត្ដិ បញ្ញា ការអប់រំ... ដើម្បីបង្កើតជាបណ្ដើរៗនូវ "ពលរដ្ឋសិក្សាបៃតង" សម្រាប់អនាគត៕

តាម vovworld.vn