ប្រព័ន្ធផ្សព្វផ្សាយចិនចុះផ្សាយព័ត៌មានជាច្រើនអំពីសកម្មភាពរបស់លោក Pham Minh Chinh នាយករដ្ឋមន្ត្រីវៀតណាម នៅកិច្ចប្រជុំ WEF
កប.អនឡាញ - ក្នុងប៉ុន្មានថ្ងៃថ្មីៗនេះ ប្រព័ន្ធផ្សព្វផ្សាយរបស់ចិនដូចជា ទីភ្នាក់ងារសារព័ត៌មានស៊ីនហួ សារព័ត៌មាន Global Times ទីភ្នាក់ងារសារព័ត៌មានចិន កាសែតទីក្រុងប៉េកាំងប្រចាំថ្ងៃ គេហទំព័រអាជ្ញាធរ Tianjin ជាដើម បានចុះផ្សាយព័ត៌មាន និងអត្ថបទវិភាគជាច្រើនទាក់ទងនឹងសកម្មភាពរបស់លោក Pham Minh Chinh នាយករដ្ឋមន្ត្រីវៀតណាម ដែលចូលរួមក្នុងកិច្ចប្រជុំអ្នកត្រួសត្រាយប្រចាំឆ្នាំនៃវេទិកាសេដ្ឋកិច្ចពិភពលោក លើកទី ១៦ (WEF) នៅទីក្រុង Tianjin និងបំពេញទស្សនកិច្ចការងារនៅចិន។
យោងតាមគេហទំព័ររបស់វិទ្យុនិងទូរទស្សន៍មជ្ឈិមចិន (CMG) កិច្ចប្រជុំប្រចាំឆ្នាំអ្នកត្រួសត្រាយលើកទី ១៦ នៃវេទិកាសេដ្ឋកិច្ចពិភពលោក (WEF) នៅទីក្រុង Tianjin ឬហៅថា "វេទិកា Davos រដូវក្តៅ" ដែលប្រារព្ធឡើងនៅទីក្រុង Tianjin ប្រទេសចិន បានទទួលស្វាគមន៍មិត្តពិសេសមួយរូប នោះគឺលោក Pham Minh Chinh នាយករដ្ឋមន្រ្តីរដ្ឋាភិបាលវៀតណាម ដែលបានចូលរួមក្នុងវេទិកានេះចំនួន ៣ លើកជាប់ៗគ្នា។
    |
 |
|
អត្ថបទរបស់ទីភ្នាក់ងារសារព័ត៌មានស៊ីនហួ៖ លោក Pham Minh Chinh នាយករដ្ឋមន្ត្រីវៀតណាម (ឆ្វេង) ជួបពិភាក្សាជាមួយលោក Li Qiang នាយករដ្ឋមន្ត្រីចិន នាថ្ងៃទី ២៤ ខែមិថុនា ឆ្នាំ ២០២៥ (រូបថត៖ vnanet.vn) |
ក្រោមប្រធានបទ “នាយករដ្ឋមន្ត្រីវៀតណាមនិយាយអំពីទំនាក់ទំនង វៀតណាម-ចិន៖ ប្រកៀកស្មាគ្នា ស្វែងរកការអភិវឌ្ឍរួមគ្នា” អត្ថបទចុះផ្សាយលើគេហទំព័រកាសែតទីក្រុងបេកាំងប្រចាំថ្ងៃ បានដកស្រង់សំដីរបស់លោក Pham Minh Chinh នាយករដ្ឋមន្ត្រី ដោយសង្កត់ធ្ងន់ថា នោះគឺជាភក្ដីភាព និងការទទួលខុសត្រូវទៅវិញទៅមករវាងវៀតណាមនិងចិនដែលបានបង្កើតទំនាក់ទំនងជិតស្និទ្ធ និងស៊ីជម្រៅដូចសព្វថ្ងៃនេះ។
គេហទំព័រអាជ្ញាធរ Tianjin បានដកស្រង់ប្រសាន៍របស់លោកនាយករដ្ឋមន្ត្រីស្តីពីទំនាក់ទំនងទ្វេភាគី ដោយអំពាវនាវឱ្យធុរកិច្ចនៃប្រទេសទាំងពីរពង្រឹងកិច្ចសហប្រតិបត្តិការសេដ្ឋកិច្ច និងពាណិជ្ជកម្ម និងជំរុញការកសាងសហគមន៍ចែករំលែកអនាគតសម្រាប់វៀតណាម និងចិន ដោយសង្កត់ធ្ងន់ថា គោលនយោបាយកំណែទម្រង់ និងការបើកទូលាយរបស់វៀតណាមនឹងផ្តល់បរិយាកាសធុរកិច្ចដោយយុត្តិធម៌សម្រាប់ក្រុមហ៊ុនចិន៕
បកប្រែដោយ Thanh Cong