ជំរុញកិច្ចសហប្រតិបត្តិការលើវិស័យអយ្យការយោធារវាងវៀតណាម និងចិន

ក្នុងជំនួបនេះ លោកឧត្តមសេនីយ៍ឯក Vo Minh Luong បានអះអាងថា ទំនាក់ទំនងសហប្រតិបត្តិការលើវិស័យការពារជាតិទ្វេភាគីនាពេលកន្លងមក គឺជាសសរស្តម្ភដ៏សំខាន់មួយក្នុងទំនាក់ទំនងរវាងប្រទេសទាំងពីរ ដែលបានបង្ហាញតាមរយៈខ្លឹមសារជាច្រើននៃកិច្ចសហប្រតិបត្តិការសំខាន់ៗ និងប្រសិទ្ធភាពដូចជា  ការផ្លាស់ប្តូរគណៈប្រតិភូ ជាន់ខ្ពស់ និងកិច្ចសហប្រតិបត្តិការរវាងកងកម្លាំងគ្រប់គ្រង និងការពារព្រំដែនគោក និងសមុទ្រ...កិច្ចសហប្រតិបត្ដិការក្នុងវិស័យអយ្យការយោធារវាងវៀតណាមនិងចិនត្រូវបានប្រទេសទាំងពីរជំរុញយ៉ាងខ្លាំង។ នាពេលថ្មីៗនេះ អនុស្សរណៈនៃការ​យោគយល់គ្នារវាងអយ្យការយោធានៃប្រទេសទាំងពីរត្រូវបានចុះហត្ថលេខា និងប្រកាសក្នុងឱកាសនៃដំណើរទស្សនកិច្ចផ្លូវរដ្ឋរបស់លោក Xi Jinping អគ្គលេខាបក្ស និងជាប្រធានរដ្ឋចិនទៅកាន់ប្រទេសវៀតណាមកាលពីខែមេសា ឆ្នាំ ២០២៥ តាមរយៈនោះបង្ហាញពីការរួមចំណែកនៃកិច្ចសហប្រតិបត្តិការលើវិស័យការពារជាតិសម្រាប់ដំណើរទស្សនកិច្ចរបស់ថ្នាក់ដឹកនាំជាន់ខ្ពស់។

លោកឧត្តមសេនីយ៍ឯក Vo Minh Luong អនុរដ្ឋមន្ត្រីក្រសួងការពារប្រទេសវៀតណាម ទទួលជួបលោកឧត្តមសេនីយ៍ត្រី zhang jin ប្រធានអយ្យការយោធានៃកងទ័ពរំដោះប្រជាជនចិន

លោកឧត្តមសេនីយ៍ឯក Vo Minh Luong បានអះអាងថា គណៈកម្មាធិការបក្សយោធាមជ្ឈិម និងក្រសួងការពារប្រទេសវៀតណាមនឹងបង្កើតលក្ខខណ្ឌអំណោយផលសម្រាប់អយ្យការយោធាអនុវត្តខ្លឹមសារនៃកិច្ចសហប្រតិបត្តិការដែលបានព្រមព្រៀងដោយភាគីទាំងពីរ រួមចំណែកពង្រឹងថែមទៀតនូវទំនាក់ទំនងមិត្តភាព និងសាមគ្គីភាពរវាងរដ្ឋទាំងពីរ កងទ័ពនិយាយរួម និងអយ្យការយោធានៃប្រទេសទាំងពីរនិយាយដោយឡែក។

លោកឧត្តមសេនីយ៍ត្រី zhang jin បានសង្កត់ធ្ងន់ថា ដំណើរទស្សនកិច្ចកម្រិតខ្ពស់របស់លោក Xi Jinping អគ្គលេខាបក្ស និងជាប្រធានរដ្ឋចិនទៅកាន់វៀតណាមក្នុងប៉ុន្មានឆ្នាំថ្មីៗនេះ បានជំរុញការកសាងសហគមន៍អនាគតរួមវៀតណាម-ចិន ដែលមានអត្ថន័យជាយុទ្ធសាស្ត្រ ហើយទន្ទឹមនឹងនោះ ធ្វើឲ្យទំនាក់ទំនងរវាងប្រទេសទាំងពីរកាន់តែស៊ីជម្រៅ។

ប្រតិភូទាំងឡាយថតរូបជាអនុស្សាវរីយ៍

លោកឧត្តមសេនីយ៍ត្រី zhang jin សម្តែងការជឿជាក់ថា ទំនាក់ទំនងសហប្រតិបត្តិការរវាងអយ្យការទាំងពីរនឹងរួមចំណែកជំរុញទំនាក់ទំនងរវាងប្រទេសទាំងពីរ និងក្រសួងការពារជាតិនៃប្រទេសទាំងពីរ៕

បកប្រែដោយ Pham Diep