វៀតណាមអំពាវនាវឱ្យមានសកម្មភាពអន្តរជាតិជាបន្ទាន់ ដើម្បីដោះស្រាយវិបត្តិនៅតំបន់ហ្គាហ្សានិងមជ្ឈិមបូព៌ា

សម័យប្រជុំត្រូវបានអនុវត្តន៍បន្ទាប់ពីប្រទេសសមាជិកអចិន្ត្រៃយ៍ បានប្រើសិទ្ធិវេតូលើសេចក្តីព្រាងដំណោះស្រាយដែលអំពាវនាវឱ្យមានបទឈប់បាញ់ និងការចូលប្រើប្រាស់មនុស្សធម៌ទៅកាន់តំបន់ហ្គាហ្សានៅក្រុមប្រឹក្សាសន្តិសុខកាលពីថ្ងៃទី ៤ ខែមិថុនា។

អញ្ជើញថ្លែងមតិក្នុងសម័យប្រជុំ លោក Nguyen Hoang Nguyen ឯកអគ្គរដ្ឋទូត អនុប្រធានគណៈប្រតិភូអចិន្ត្រៃយ៍វៀតណាមប្រចាំនៅអង្គការសហប្រជាជាតិ បានអះអាងនូវគោលជំហរជាគោលការណ៍ និងស្ថិរភាពរបស់វៀតណាមចំពោះបញ្ហាទាក់ទិននឹងប៉ាឡេស្ទីន អំពាវនាវឱ្យមានបទឈប់បាញ់ភ្លាមមួយរំពេចនិងនិរន្តរភាព ទូទាំងតំបន់ហ្គាហ្សាស្ទ្រីប។ តំណាងវៀតណាមបានសង្កត់ធ្ងន់លើភាពបន្ទាន់ក្នុងការធានាថា សកម្មភាពជំនួយមនុស្សធម៌សម្រាប់ប្រជាជននៅតំបន់ហ្គាហ្សាដោយមិនត្រូវរងការរារាំងឬរំខានឡើយ។

លោក Nguyen Hoang Nguyen ឯកអគ្គរដ្ឋទូត អនុប្រធានគណៈប្រតិភូអចិន្ត្រៃយ៍វៀតណាមប្រចាំនៅអង្គការសហប្រជាជាតិ

ក្នុងឱកាសនេះ លោកឯកអគ្គរដ្ឋទូត Nguyen Hoang Nguyen បានអះអាងថា វៀតណាមគាំទ្រយ៉ាងមុតមាំចំពោះដំណោះស្រាយរដ្ឋពីរ រួមទាំងការបង្កើតរដ្ឋប៉ាឡេស្ទីនឯករាជ្យ និងអធិបតេយ្យភាព ដោយឈរលើមូលដ្ឋានព្រំដែនមុនឆ្នាំ ១៩៦៧ ស្របតាមច្បាប់អន្តរជាតិ និងរាល់សេចក្តីសម្រេចចិត្តពាក់ព័ន្ធរបស់អង្គការសហប្រជាជាតិ។

នៅក្នុងសម័យប្រជុំនេះផងដែរ មហាសន្និបាតអង្គការសហប្រជាជាតិបានអនុម័តសេចក្តីសម្រេចចិត្តដែលអំពាវនាវឱ្យមានការការពារជនស៊ីវិល និងការអនុលោមតាមកាតព្វកិច្ចមនុស្សធម៌ផ្លូវច្បាប់នៅក្នុងតំបន់ហ្គាហ្សា។ វៀតណាមជាសហអ្នកឧបត្ថម្ភមួយ ហើយបានបោះឆ្នោតគាំទ្រលើសេចក្តីសម្រេចចិត្តនេះ៕

តាម vovworld.vn