លោក Xi Jinping អគ្គលេខាគណៈកម្មាធិការមជ្ឈិមបក្សកុម្មុយនិស្តចិន ប្រធានរដ្ឋនៃសាធារណរដ្ឋប្រជាមានិតចិន មកដល់ទីក្រុងហាណូយ ចាប់ផ្តើមដំណើរទស្សនកិច្ចផ្លូវរដ្ឋនៅប្រទេសវៀតណាម

យន្តហោះពិសេសដែលដឹកលោក Xi Jinping អគ្គលេខាបក្ស និងជាប្រធានរដ្ឋចិន ចុះចតនៅអាកាសយានដ្ឋានអន្តរជាតិ Noi Bai (ទីក្រុងហាណូយ)

លោក Luong Cuong ប្រធានរដ្ឋទទួលស្វាគមន៍លោក Xi Jinping អគ្គលេខាបក្ស ប្រធានរដ្ឋចិន និងគណៈប្រតិភូជាន់ខ្ពស់ចិន នៅអាកាសយានដ្ឋានអន្តរជាតិ Noi Bai

លោក Luong Cuong ប្រធានរដ្ឋ បានទទួលស្វាគមន៍លោក Xi Jinping អគ្គលេខាបក្ស ប្រធានរដ្ឋចិន និងគណៈប្រតិភូជាន់ខ្ពស់ចិននៅអាកាសយានដ្ឋានអន្តរជាតិ Noi Bai។

តំណាងប្រជាជនវៀតណាម ប្រជាជនចិនដែលរស់នៅនៅវៀតណាម កម្មាភិបាលនៃស្ថានទូតចិនប្រចាំនៅវៀតណាមបានស្វាគមន៍យ៉ាងកក់ក្តៅចំពោះលោក Xi Jinping អគ្គលេខាបក្ស និងជាប្រធានរដ្ឋចិន។

កម្មវិធីសម្តែងវប្បធម៌ សិល្បៈ ទទួលស្វាគមន៍លោក Xi Jinping អគ្គលេខាបក្ស និងជាប្រធានរដ្ឋចិន នៅអាកាសយានដ្ឋានអន្តរជាតិ Noi Bai

ដំណើរទស្សនកិច្ចផ្លូវរដ្ឋនៅវៀតណាមលើកនេះរបស់លោក Xi Jinping អគ្គលេខាបក្ស និងជាប្រធានរដ្ឋចិន គឺជាព្រឹត្តិការណ៍នយោបាយការបរទេសដ៏សំខាន់របស់បក្សទាំងពីរ និងប្រទេសទាំងពីរ ហើយមានសារៈសំខាន់ជាយុទ្ធសាស្ត្រ និងមានឥទ្ធិពលយូរអង្វែងលើការអភិវឌ្ឍទំនាក់ទំនងវៀតណាម-ចិន ក្នុងបរិបទដែលប្រទេសទាំងពីរកំពុងឈានចូលយុគសម័យថ្មី សម័យអភិវឌ្ឍន៍ថ្មី។

តាមគម្រោង ក្នុងដំណើរទស្សនកិច្ចលើកនេះ លោក Xi Jinping អគ្គលេខាបក្ស និងជាប្រធានរដ្ឋចិន នឹងជួបពិភាក្សា និងជួបសវនាការជាមួយលោក To Lam អគ្គលេខាបក្ស លោក Luong Cuong ប្រធានរដ្ឋ លោក Pham Minh Chinh នាយករដ្ឋមន្ត្រី និងលោក Tran Thanh Man ប្រធានរដ្ឋសភា។

តំណាងប្រជាជនទីក្រុងហាណូយទទួលស្វាគមន៍លោក Xi Jinping អគ្គលេខាបក្ស ប្រធានរដ្ឋចិន និងគណៈប្រតិភូជាន់ខ្ពស់ចិននៅអាកាសយានដ្ឋានអន្តរជាតិ Noi Bai

នារសៀលថ្ងៃនេះ ពិធីទទួលបដិសណ្ឋារកិច្ចថ្នាក់រដ្ឋជូនចំពោះលោក Xi Jinping អគ្គលេខាបក្ស និងជាប្រធានរដ្ឋចិន បានប្រព្រឹត្តទៅយ៉ាងឱឡារិកនៅវិមានប្រធានរដ្ឋ រដ្ឋធានីហាណូយ។ បន្ទាប់ពីពិធីបដិសណ្ឋារកិច្ច លោក To Lam អគ្គលេខាបក្ស ដឹកនាំគណៈប្រតិភូជាន់ខ្ពស់វៀតណាមជួបពិភាក្សាជាមួយលោក Xi Jinping អគ្គលេខាបក្ស ប្រធានរដ្ឋចិន និងគណៈប្រតិភូជាន់ខ្ពស់ចិន៕

បកប្រែដោយ Thuy Anh