ការស្វែងរកអដ្ឋិធាតុទាហានអាមេរិក៖ គំរូក្នុងកិច្ចសហប្រតិបត្តិការជំនះលើ​ផលវិបាកនៃសង្គ្រាមវៀតណាម-អាមេរិក

នេះមិនត្រឹមតែជាបេសកកម្មមនុស្សធម៌ប៉ុណ្ណោះទេ ថែមទាំងជានិមិត្តរូបនៃការផ្សះផ្សា បង្ហាញពីស្មារតីអត់ធ្មត់ ទុទុកអតីតកាលនៅមួយអន្លើ និងឆ្ពោះទៅអនាគតទៀតផង។ លោក Do Hung Viet អនុរដ្ឋមន្ត្រីក្រសួងការបរទេសវៀតណាម ប្រធានគណៈប្រតិភូវៀតណាមបានមានប្រសាសន៍ថា ការដែលយើងចាប់ផ្តើមស្វែងរកជនអាមេរិកដែលបាត់ខ្លួននៅវៀតណាមបន្ទាប់ពីបានចុះហត្ថលេខាលើកិច្ចព្រមព្រៀងទីក្រុងប៉ារីស (ឆ្នាំ១៩៧៣) បានបង្ហាញពីការប្តេជ្ញាចិត្តរបស់វៀតណាម អនុលោមតាមកិច្ចព្រមព្រៀងជាមួយភាគីអាមេរិក។ ទន្ទឹមនឹងនោះបានបង្ហាញពីគំនិតដ៏ធំធេងនិងចក្ខុវិស័យដ៏អស្ចារ្យរបស់ថ្នាក់ដឹកនាំវៀតណាម។ 

លោក Do Hung Viet និងលោក Marc E. Knapper ចុចប៊ូតុងដើម្បីរំសាយគ្រាប់បែកចង្កោមមួយ នាំមកនូវសន្តិភាពដល់ប្រជាជនក្នុងតំបន់ (រូបថត៖ VOV)

រីឯខ្លួនវិញ លោក Marc Knapper ឯកអគ្គរដ្ឋទូតអាមេរិកប្រចាំនៅវៀតណាម បានអះអាងថា នេះមិនត្រឹមតែជាបេសកកម្មមនុស្សធម៌ប៉ុណ្ណោះទេ ជាគំរូក្នុងកិច្ចសហប្រតិបត្តិការជំនះពុះពារលើផលវិបាកនៃសង្គ្រាមរវាងប្រទេសទាំងពីរ រួមចំណែកកសាងនិមិត្តរូបនៃការផ្សះផ្សារវាងវៀតណាម និងសហរដ្ឋអាមេរិកទៀតផង។

ក្នុងរយៈពេលជាច្រើនទស្សវត្សកន្លងមក វៀតណាមបានស្វែងរក និងប្រគល់អដ្ឋិធាតុទាហានអាមេរិកជាង ១.២០០ អដ្ឋិធាតុដល់សហរដ្ឋអាមេរិកវិញ និងជួយសហរដ្ឋអាមេរិកកំណត់អត្តសញ្ញាណទាហន ៧៣៥ នាក់៕

តាម vovworld.vn