សម្តែងក្តីរីករាយដោយបានឃើញទំនាក់ទំនងរវាងប្រទេសទាំងពីរត្រូវបានជម្រុញតាមរយៈសកម្មភាពផ្លាស់ប្តូរគណៈប្រតិភូជាន់ខ្ពស់ ថ្នាក់ដឹកនាំទាំងពីរបានពិភាក្សាអំពីទិសដៅសំខាន់ៗ និងវិធានការជាក់លាក់ដើម្បីជំរុញទំនាក់ទំនងទ្វេភាគីនាពេលខាងមុខ។ 

ដោយសង្កត់ធ្ងន់ថា សេដ្ឋកិច្ច និងពាណិជ្ជកម្មគឺជាសសរស្តម្ភសំខាន់ក្នុងទំនាក់ទំនងរវាងប្រទេសទាំងពីរ ថ្នាក់ដឹកនាំទាំងពីរបានឯកភាពថា សក្ដានុពលសម្រាប់កិច្ចសហប្រតិបត្តិការរវាងប្រទេសទាំងពីរនៅតែជាច្រើន។ ភាគីទាំងពីរគប្បីជំរុញថែមទៀតនូវកិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងប្រទេសទាំងពីរ បង្កើតលក្ខខណ្ឌអំណោយផលសម្រាប់ធុរកិច្ចនៃប្រទេសទាំងពីរស្វែងយល់អំពីទីផ្សាររបស់គ្នាទៅវិញទៅមក និងជំរុញកិច្ចសហប្រតិបត្តិការលើវិស័យថ្មីៗ ដូចជាវិទ្យាសាស្ត្រ-បច្ចេកវិទ្យា  នវានុវត្តន៍ បញ្ញាសិប្បនិម្មិត (AI) ការធ្វើបរិវត្តកម្មបៃតង...

leftcenterrightdel
លោក Tran Thanh Man ប្រធានរដ្ឋសភា ជួបជាមួយលោក Nikol Pashinyan នាយករដ្ឋមន្ត្រីអាមេនី

ថ្នាក់ដឹកនាំទាំងពីរបានឯកភាពបង្កើនការតភ្ជាប់ចរាចរណ៍ និងការដឹកជញ្ជូនពហុមធ្យោបាយ ដើម្បីជម្រុញទេសចរណ៍ ការនាំចូល និងការនាំចេញរវាងប្រទេសទាំងពីរ និងបណ្ដាប្រទេសក្នុងតំបន់អាស៊ី និងអឺរ៉ុប ហើយបន្តផ្លាស់ប្តូរ និងឯកភាពលើការផ្តល់អាហារូបករណ៍ដល់និស្សិតនៃប្រទេសទាំងពីរ ពង្រឹងកិច្ចសហប្រតិបត្តិការក្នុងការបណ្តុះបណ្តាលធនធានមនុស្សក្នុងវិស័យបច្ចេកវិទ្យាខ្ពស់ និងបន្តរៀបចំសកម្មភាពផ្លាស់ប្តូរវប្បធម៌ ព្រមទាំង ស្នើឲ្យស្ថាប័នពាក់ព័ន្ធនៃភាគីទាំងពីរពិចារណាលើគោលនយោបាយអនុគ្រោះក្នុងការផ្ដល់ទិដ្ឋាការ ដើម្បីបង្កើតលក្ខខណ្ឌអំណោយផលសម្រាប់ប្រជាពលរដ្ឋ និងធុរកិច្ចនៃប្រទេសទាំងពីរក្នុងការធ្វើដំណើរ ស្វែងយល់ពីវប្បធម៌ គោលដៅទេសចរណ៍របស់គ្នាទៅវិញទៅមក និងអនុវត្តផែនការ គម្រោងសហប្រតិបត្តិការ។

ទាក់ទងនឹងកិច្ចសហប្រតិបត្តិការពហុភាគី និងតំបន់ ថ្នាក់ដឹកនាំទាំងពីរបានសង្កត់ធ្ងន់ថា នឹងបន្តសហការយ៉ាងជិតស្និទ្ធនៅវេទិកាអន្តរជាតិ និងតំបន់។ លោក Tran Thanh Man ប្រធានរដ្ឋសភា បានស្នើឲ្យអាមេនី គាំទ្រគោលជំហររបស់អាស៊ាន និងវៀតណាមលើបញ្ហាសមុទ្រខាងកើត ដោះស្រាយជម្លោះដោយសន្តិវិធី ឈរលើមូលដ្ឋានច្បាប់អន្តរជាតិ ធម្មនុញ្ញអង្គការសហប្រជាជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២។

*សូមរំលឹកថា នាព្រឹកថ្ងៃទី ៤ ខែមេសា នៅរដ្ឋធានី Yerevan លោក Tran Thanh Man ប្រធានរដ្ឋសភាវៀតណាម និងលោកជំទាវ បានអញ្ជើញទៅទស្សនាសាកលវិទ្យាល័យជាតិ Yerevan៕

បកប្រែដោយ Thuy Anh