កិច្ចសហប្រតិបត្តិការសេដ្ឋកិច្ច និងពាណិជ្ជកម្មជាមួយសហរដ្ឋអាមេរិក ឈរលើគោលការណ៍ផលប្រយោជន៍ទៅវិញទៅមក

លោក Pham Minh Chinh នាយករដ្ឋមន្ត្រីវៀតណាម អញ្ជើញជាអធិបតីកិច្ចប្រជុំស្តីពីការដែលអាមេរិកអនុវត្តពន្ធគយបដិការលើទំនិញនាំចូលពីវៀតណាម

កិច្ចប្រជុំនេះបានធ្វើឡើងបន្ទាប់ពី លោក To Lam អគ្គលេខាបក្ស  បានទូរស័ព្ទជាមួយប្រធានាធិបតីអាមេរិក ដែលក្នុងបានបង្ហញសារនៃការត្រៀមខ្លួនជាស្រេចចរចាជាមួយសហរដ្ឋអាមេរិកដើម្បីទម្លាក់ពន្ធនាំចូលត្រឹម 0% សម្រាប់ទំនិញដែលនាំចូលពីសហរដ្ឋអាមេរិក។ ជាមួយគ្នានេះ វៀតណាមបានស្នើឱ្យសហរដ្ឋអាមេរិកអនុវត្តពន្ធស្រដៀងគ្នាលើទំនិញដែលនាំចូលពីប្រទេសវៀតណាម។

លោក Pham Minh Chinh នាយករដ្ឋមន្ត្រីវៀតណាម

មានប្រសាន៍ក្នុងកិច្ចប្រជុំនេះ លោកនាយករដ្ឋមន្ត្រីបានសង្កត់ធ្ងន់លើការផ្តោតសំខាន់លើការរៀបចំបញ្ជីមុខទំនិញដែលត្រូវចរចា ដើម្បីទម្លាក់ពន្ធដល់កម្រិតសូន្យ។ "ស្មារតីទូទៅគឺត្រៀមខ្លួនជាស្រេចចរចាជាមួយសហរដ្ឋអាមេរិកដើម្បីទម្លាក់ពន្ធដល់កម្រិតសូន្យលើទំនិញនាំចូលពីអាមេរិក។ វៀតណាមក៏បានស្នើឱ្យសហរដ្ឋអាមេរិកមានអត្រាពន្ធស្រដៀងគ្នា។ នេះជាសារធំបំផុត។ ទីពីរគឺបញ្ជីទំនិញត្រូវទិញក៏សម្រេចចិត្តដោយរដ្ឋាភិបាលផងដែរ។ នោះគឺជាអ្វីដែលយើងត្រូវធ្វើដើម្បីលោកឧបនាយករដ្ឋមន្ត្រី Ho Duc Phoc អាចទៅជួបជុំ និងចរចា"៕

បកប្រែដោយ Duy Hoan