លោក To Lam អគ្គលេខាបក្ស វាយតម្លៃខ្ពស់ចំពោះជំនួបនេះ ដែលក្នុងនោះថ្នាក់ដឹកនាំទាំងពីរបានបញ្ជាក់ពីបំណងចង់បន្តពង្រឹងកិច្ចសហប្រតិបត្តិការទ្វេភាគី ដើម្បីផលប្រយោជន៍នៃប្រទេសទាំងពីរ និងរួមចំណែកដល់សន្តិភាព ស្ថិរភាព និងការអភិវឌ្ឍក្នុងតំបន់ និងពិភពលោក។ ថ្នាក់ដឹកនាំទាំងពីរបានវាយតម្លៃថា ទំនាក់ទំនងរវាងប្រទេសទាំងពីរកំពុងអភិវឌ្ឍល្អលើគ្រប់វិស័យ។

leftcenterrightdel
លោក To Lam អគ្គលេខាបក្ស ជួបសន្ទនាតាមទូរស័ព្ទជាមួយលោក Donald Trump ប្រធានាធិបតីអាមេរិក (រូបថត៖ vnanet.vn)

ចំពោះទំនាក់ទំនងពាណិជ្ជកម្មទ្វេភាគី ថ្នាក់ដឹកនាំទាំងពីរបានពិភាក្សាអំពីវិធានការបន្តជំរុញពាណិជ្ជកម្ម ក្នុងនោះ លោក To Lam អគ្គលេខាបក្សបានអះអាងថា វៀតណាមត្រៀមខ្លួនជាស្រេចពិភាក្សាជាមួយសហរដ្ឋអាមេរិក អំពីការអនុវត្តនូវអត្រាពន្ធនាំចូល ០% សម្រាប់ទំនិញរបស់សហរដ្ឋអាមេរិក។ ទន្ទឹមនឹងនេះ លោក To Lam អគ្គលេខាបក្សបានស្នើឲ្យសហរដ្ឋអាមេរិកអនុវត្តអត្រាពន្ធដូចគ្នាចំពោះទំនិញរបស់វៀតណាម ហើយវៀតណាមនឹងបន្តនាំចូលទំនិញជាច្រើនពីសហរដ្ឋអាមេរិកដែលវៀតណាមត្រូវការ។ វៀតណាមក៏លើកទឹកចិត្ត និងបង្កើតលក្ខខណ្ឌអំណោយផលសម្រាប់ក្រុមហ៊ុនសហរដ្ឋអាមេរិក បង្កើនការវិនិយោគនៅវៀតណាម។ ថ្នាក់ដឹកនាំទាំងពីរបានអះអាងថា នឹងពិភាក្សា និងចុះហត្ថលេខាលើកិច្ចព្រមព្រៀងទ្វេភាគីរវាងប្រទេសទាំងពីរដើម្បីអនុវត្តកិច្ចព្រមព្រៀងពោលខាងលើ។

ក្នុងឱកាសនេះ លោក To Lam អគ្គលេខាបក្ស បានអញ្ជើញលោក Donald Trump ប្រធានាធិបតី និងជំទាវកបំពេញទស្សនកិច្ចនៅវៀតណាម។ លោក Donald Trump ប្រធានាធិបតីបានបានទទួលការអញ្ជើញ និងបង្ហាញពីបំណងចង់ជួបលោក To Lam អគ្គលេខាបក្ស នាពេលឆាប់ៗនេះ៕

បកប្រែដោយ Thuy Anh