ស្វែងរកជនរងគ្រោះជាបន្ទាន់ និងពិនិត្យ ព្យាបាលជំងឺជូនប្រជាពលរដ្ឋដោយឥតគិតថ្លៃ

នៅពេលព្រឹក កងកម្លាំងជួយសង្គ្រោះបានរកយើញ និងយកសាកសពចំនួន ២ ចេញពីគំនរបែកបាក។ នៅវេលាម៉ោង ៣ រសៀល កងកម្លាំងជួយសង្គ្រោះបានរកយើញសាកសព ១ ទៀតនៅក្នុងមន្ទីរពេទ្យ Ottara Thiri ហើយយកបានសាកសពនេះចេញពីគំនរបែកបាកនៅពេលយប់ថ្ងៃដដែល។ 

ក្រុមពេទ្យយោធានៃកងទ័ពប្រជាជនវៀតណាម  ពិនិត្យ ព្យាបាលជំងឺ និងចែកថ្នាំពេទ្យដោយឥតគិតថ្លៃដល់ប្រជាជននៃរដ្ឋធានី Naypyidaw

ទន្ទឹមនឹងនោះ ក្រុមគ្រូពេទ្យយោធា បានបន្តពិនិត្យ ព្យាបាល និងចែកថ្នាំពេទ្យដោយឥតគិតថ្លៃដល់ប្រជាពលរដ្ឋចំនួន ៦២ នាក់ នៅខាងក្រៅមន្ទីរពេទ្យ Ottara Thiri។

ចាប់តាំងពីបំពេញភារកិច្ចជួយសង្គ្រោះនៅរដ្ឋធានី Naypyidaw រហូតមកដល់ពេលនេះ ក្រុមបេសកកម្មកងទ័ពប្រជាជនវៀតណាមបានសហការជួយសង្គ្រោះជនរងគ្រោះចំនួន ១ នាក់ និងយកបានសាកសពចំនួន ១៨ ចេញពីគំនរបែកបាក៕

បកប្រែដោយ Thuy Anh