ប្រធានាធិបតីប៊ូរុនឌី ចាប់ផ្តើមបំពេញដំណើរទស្សនកិច្ចជាផ្លូវការនៅវៀតណាម

តបតាមការអញ្ជើញរបស់ប្រធានរដ្ឋវៀតណាមលោក Luong Cuong និងលោកជំទាវ ប្រធានាធិបតីប៊ូរុនឌីលោក Évariste Ndayishimiye និងលោកជំទាវ បានមកបំពេញដំណើរទស្សនកិច្ចជាផ្លូវការនៅវៀតណាម ចាប់ពីថ្ងៃទី ៣ មេសា ដល់ថ្ងៃទី ៦ ខែមេសា ឆ្នាំ២០២៥។ នេះជាព្រឹត្តិការណ៍ប្រវត្តិសាស្ត្រក្នុងទំនាក់ទំនងរវាងប្រទេសទាំងពីរ ដែលបង្ហាញពីបំណងរបស់ប្រទេសទាំងពីរក្នុងការពង្រឹងទំនាក់ទំនងមិត្តភាព និងកិច្ចសហប្រតិបត្តិការបន្ថែមទៀតលើវិស័យនយោបាយ សេដ្ឋកិច្ច ពាណិជ្ជកម្ម វប្បធម៌ និងសង្គម។

ប្រធានាធិបតីប៊ូរុនឌីលោក Évariste Ndayishimiye (រូបថត៖ Reuters)

វៀតណាមនិងប៊ូរុនឌីបានបង្កើតទំនាក់ទំនងការទូតនៅថ្ងៃទី ១៦ ខែមេសា ឆ្នាំ ១៩៧៥។ ចាប់តាំងពីពេលនោះមក កិច្ចសហប្រតិបត្តិការទ្វេភាគីបានរីកចម្រើនពីមួយថ្ងៃទៅមួយថ្ងៃ។ ក្នុងបរិបទដែលប្រទេសទាំងពីរមិនទាន់បើកការិយាល័យតំណាងនៅឡើយ ការតែងតាំងអគ្គកុងស៊ុលកិត្តិយសវៀតណាមប្រចាំនៅប៊ូរុនឌីនៅឆ្នាំ ២០២៤ គឺជាការបង្ហាញពីបំណងចង់ជំរុញកិច្ចសហប្រតិបត្តិការសេដ្ឋកិច្ច ទេសចរណ៍ វប្បធម៌ និងការផ្លាស់ប្តូរប្រជាជនរវាងប្រទេសទាំងពីរ៕

តាម vovworld.vn