ក្នុងសន្និសីទ តំណាងគណៈប្រតិភូត្រួតពិនិត្យបានបង្ហាញនូវសេចក្តីព្រាងរបាយការណ៍លទ្ធផលនៃការត្រួតពិនិត្យដោយបង្ហាញថា៖ ភ្លាមៗបន្ទាប់ពីសេចក្តីសម្រេចចិត្ត សេចក្តីណែនាំ និងសេចក្តីសន្និដ្ឋានរបស់គណៈកម្មាធិការមជ្ឈិមបក្សត្រូវបានប្រកាសចេញនោះ គណៈអចិន្ត្រៃយ៍ នៃគណៈកម្មាធិការបក្សខេត្ត Quang Ninh និងគណៈអចិន្ត្រៃយ៍ នៃគណៈកម្មាធិការបក្សខេត្ត Hung Yen បានរៀបចំ និងគោរពអនុវត្តតាមយ៉ាងម៉ឺងម៉ាត់ជាមិនខានទេ។

leftcenterrightdel
លោកប្រធានរដ្ឋ Luong Cuong ធ្វើការជាមួយគណៈអចិន្ត្រៃយ៍ នៃគណៈកម្មាធិការបក្សខេត្ត Quang Ninh

មានអនុសាសន៍ក្នុងកិច្ចប្រជុំការងារជាមួយខេត្តនីមួយៗនេះ លោកប្រធានរដ្ឋ Luong Cuong បានវាយតម្លៃខ្ពស់ និងទទួលស្គាល់លទ្ធផលដំបូងៗដែលគណៈអចិន្ត្រៃយ៍ នៃគណៈកម្មាធិការបក្សខេត្ត Quang Ninh និងគណៈអចិន្ត្រៃយ៍ នៃគណៈកម្មាធិការបក្សខេត្ត Hung Yen បានដឹកនាំ និងណែនាំឱ្យអនុវត្ត។ សមូហភាព និងបុគ្គលទាំងអស់ដែលស្ថិតក្នុងផែនការនៃការត្រួតពិនិត្យ បានបង្ហាញនូវស្មារតីការងារយ៉ាងម៉ឺងម៉ាត់ មោះមុត មានការរៀបចំអនុវត្តភារកិច្ចយ៉ាងប្រុងប្រយ័ត្ន បានសម្របសម្រួលយ៉ាងជិតស្និទ្ធ និងបង្កើតលក្ខខណ្ឌអំណោយផលសម្រាប់ក្រុមត្រួតពិនិត្យក្នុងការបំពេញភារកិច្ចតាមកម្មវិធីដែលបានកំណត់។

អំពីរាល់អនុសាសន៍ និងសំណើរបស់គណៈអចិន្ត្រៃយ៍ នៃគណៈកម្មាធិការបក្សខេត្ត Quang Ninh និងគណៈអចិន្ត្រៃយ៍ នៃគណៈកម្មាធិការបក្សខេត្ត Hung Yen ក្រុមត្រួតពិនត្យនឹងទទួលយកទាំងស្រុងនូវមតិ និងខ្លឹមសារពាក់ព័ន្ធទាំងនេះ ដើម្បីបំពេញបន្ថែម និងបំពេញរបាយការណ៍ កំណត់ហេតុ និងឯកសារដើម្បីដាក់ជូនការិយាល័យនយោបាយពិចារណា ពិនិត្យ សន្និដ្ឋាន និងទិសដៅអនុវត្តស្របតាមបទប្បញ្ញត្តិ។

leftcenterrightdel
លោកប្រធានរដ្ឋ Luong Cuong ធ្វើការជាមួយគណៈអចិន្ត្រៃយ៍ នៃគណៈកម្មាធិការបក្សខេត្ត Hung Yen

លោកប្រធានរដ្ឋបានរំលឹកដាស់តឿនថា ចាប់ពីពេលនេះរហូតដល់ដើមឆ្នាំ២០២៦ ប្រទេសនឹងមានព្រឹត្តិការណ៍សំខាន់ៗជាច្រើនដូចជាខួបលើកទី៥០ នៃការរំដោះភាគខាងត្បូង បង្រួបបង្រួមប្រទេស​ជាតិ, រំលឹកខួបលើកទី ៨០ នៃការបង្កើតប្រទេស ជាពិសេសការងាររៀបចំសម្រាប់មហាសន្និបាត​បក្សគ្រប់លំដាប់ថ្នាក់ឆ្ពោះទៅកាន់មហាសន្និបាត​ទូទាំង​ប្រទេស លើកទី១៤ របស់បក្ស។ ទន្ទឹមនឹងនោះ ក៏ជាឆ្នាំពន្លឿនការងារធ្វើយ៉ាងណាឱ្យទទួលបានលទ្ធផលលើសពីគោលដៅដែលបានកំណត់ដោយសេចក្តីសម្រេចចិត្តនៃមហាសន្និបាតបក្សលើកទី១៣... គណៈអចិន្ត្រៃយ៍ នៃគណៈកម្មាធិការបក្សខេត្ត Quang Ninh ក៏ដូចជាគណៈអចិន្ត្រៃយ៍ នៃគណៈកម្មាធិការបក្សខេត្ត Hung Yen ត្រូវក្តាប់ឲ្យបានហ្មត់ចត់ និងមានផែនការច្បាស់លាស់ និងជាក់លាក់ ដើម្បីអនុវត្តប្រកបដោយប្រសិទ្ធភាពនូវខ្លឹមសារទាំង ៤ នៃការត្រួតពិនិត្យ។ បុគ្គលម្នាក់ៗ និងសមូហភាពត្រូវតែកំណត់ឱ្យបានច្បាស់លាស់នូវភារកិច្ចរបស់ពួកគេ លើកកម្ពស់បទពិសោធន៍ដែលមានស្រាប់ ជាពិសេសវិធីច្នៃប្រឌិតដែលសមស្របទៅនឹងតថភាពជាក់ស្តែងក្នុងខេត្តរបស់ខ្លួន៕

បកប្រែដោយ Minh Trung