នារសៀលថ្ងៃទី ១២ មីនា លោក Tran Thanh Man ប្រធានរដ្ឋសភាវៀតណាម បានធ្វើការជាមួយថ្នាក់ដឹកនាំខេត្ត Quang Ngai។ នៅទីនេះ លោកប្រធានរដ្ឋសភាបានវាយតំលៃខ្ពស់ចំពោះខេត្ត Quang Ngai ដែលបានអនុវត្តសេចក្តីសម្រេចចិត្តលេខ ៥៧ របស់ការិយាល័យនយោបាយ ស្តីពីការអភិវឌ្ឈវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាតិ។
លោកប្រធានរដ្ឋសភាបានកត់សម្គាល់ថា ដើម្បីជំរុញការអភិវឌ្ឍសេដ្ឋកិច្ចសង្គម ខេត្ត Quang Ngai ត្រូវបង្កើនការកែទម្រង់បែបបទរដ្ឋបាល អនុវត្តដោយស្មារតី គឺខេត្តសម្រេចចិត្ត និងខេត្តទទួលខុសត្រូវ កែលម្អបរិយាកាសធុរកិច្ចក្នុងទិសដៅបង្កភាពងាយស្រួលជាអតិបរមាសម្រាប់សហគ្រាស។
ក្នុងឱកាសរំលឹកខួបលើកទី ៨០ នៃការក្រោកឈរឡើងតស៊ូប្រយុទ្ធ Ba To និងខួបលើកទី ៥០ នៃទិវារំដោះខេត្ត Quang Ngai ក៏នៅរសៀលថ្ងៃដដែល លោក Tran Thanh Man ប្រធានរដ្ឋសភាវៀតណាម បានអញ្ជើញទៅសួរសុខទុក្ខគ្រួសារលោកស្រី Nguyen Thi Thu ជាអ្នកម្តាយវៀតណាមវីរភាព នៅសង្កាត់ Tran Phu; អញ្ជើញចុះសួរសុខទុក្ខក្រុមគ្រួសារ លោក Pham Huong ជាសមាជិកនៃក្រុមយុទ្ធជនឈ្លប Ba To នៅសង្កាត់ Truong Quang Trong ទីក្រុង Quang Ngai។
បកប្រែដោយ Duy Hoan
Type the code from the image