ទំនាក់ទំនងវៀតណាម-រុស្ស៊ីអភិវឌ្ឍកាន់តែស៊ីជម្រៅលើគ្រប់វិស័យ

នៅឆ្នាំ ១៩៩៤ ប្រទេសទាំងពីរបានចុះហត្ថលេខាលើសន្ធិសញ្ញាស្តីពីគោលការណ៍ជាមូលដ្ឋាននៃទំនាក់ទំនងមិត្តភាព។ បន្ទាប់មក ប្រទេសទាំងពីរបានលើកកំពស់ទំនាក់ទំនងទៅជាភាពជាដៃគូយុទ្ធសាស្ត្រក្នុងឆ្នាំ២០០១ និងភាពជាដៃគូយុទ្ធសាស្ត្រគ្រប់ជ្រុងជ្រោយក្នុងឆ្នាំ ២០១២។

លោក Dang Minh Khoi ឯកអគ្គរដ្ឋទូតវៀតណាមប្រចាំនៅរុស្ស៊ី (រូបថត៖ VOV)

លោកឯកអគ្គរដ្ឋទូត Dang Minh Khoi បានសង្កត់ធ្ងន់លើសមិទ្ធិផលដ៏ធំធេងនៃទំនាក់ទំនងមិត្តភាព និងកិច្ចសហប្រតិបត្តិការដ៏ល្អប្រសើរដែលភាគីទាំងពីរបានរួមគ្នាកសាង ពូនជ្រុំ និងគួរឲ្យគោរពជាងគេនោះ គឺមនោសញ្ចេតនាដ៏ល្អប្រសើរដែលប្រជាជននៃប្រទេសទាំងពីរបានផ្ដល់ឲ្យគ្នាទៅវិញទៅមក។ លោកឯកអគ្គរដ្ឋទូតបានមានប្រសាសន៍ថា៖ “មនោសញ្ចេតនាដ៏ស្មោះស្ម័គ្រ និងស្និទ្ធស្នាលនោះ រួមជាមួយនឹងសមិទ្ធិផល និងបទពិសោធន៍ដ៏មានតម្លៃក្នុងកិច្ចសហប្រតិបត្តិការរវាងប្រទេសទាំងពីរ បន្តជាមូលដ្ឋានគ្រឹះដ៏រឹងមាំ ដើម្បីនាំទំនាក់ទំនងសហប្រតិបត្តិការរវាងវៀតណាម និងរុស្ស៊ី ឈានដល់កំពស់ថ្មី គុណភាពថ្មី កាន់តែអភិវឌ្ឍន៍យ៉ាងស៊ីជម្រៅ លើគ្រប់វិស័យ ចាប់ពីនយោបាយ-ការទូត សេដ្ឋកិច្ច-ពាណិជ្ជកម្ម ការពារជាតិ និងសន្តិសុខ រហូតដល់វប្បធម៌-សង្គម វិទ្យាសាស្ត្រ-បច្ចេកវិទ្យា ការអប់រំ និងការផ្លាស់ប្តូរប្រជាជនជាមួយប្រជាជន”៕

តាម vovworld.vn