លោកនាយករដ្ឋមន្ត្រី Pham Minh Chinh ជូនពរឆ្នាំថ្មីដល់កងកម្លាំងនគរបាលប្រជាជន

នៅនាយកដ្ឋានសន្តិសុខស៊ើបអង្កេត ក្រសួងនគរបាល លោកនាយករដ្ឋមន្ត្រី Pham Minh Chinh បានអះអាងថា សមិទ្ធិផលរួមរបស់ប្រទេសជាតិនាពេលកន្លងមកនេះ មានការរួមចំណែកសំខាន់ៗពីកងកម្លាំងប្រដាប់អាវុធ កងកម្លាំងនគរបាល ប្រជាជន កងកម្លាំងសន្តិសុខស៊ើបអង្កេតទូទាំងប្រទេសនិយាយរួម និងនាយកដ្ឋានសន្តិសុខស៊ើបអង្កេតនិយាយដោយឡែក។ ដោយសង្កត់ធ្ងន់ថា ឆ្នាំនេះមានសារៈសំខាន់ខ្លាំងណាស់ ដោយមានព្រឹត្តិការណ៍ធំៗជាច្រើនសម្រាប់ប្រទេសជាតិ លោកនាយករដ្ឋមន្ត្រីបានស្នើឱ្យនាយកដ្ឋានសន្តិសុខស៊ើបអង្កេត ក្តាប់ជាប់ស្ថានការណ៍ និងឆ្លើយតបឱ្យបានឆាប់រហ័ស ទាន់ពេលវេលា និងប្រកបដោយប្រសិទ្ធភាពចំពោះរាល់ហានិភ័យនានា ដោយត្រូវត្រៀមខ្លួនជាស្រេចបង្ការឱ្យបានទាន់ពេលវេលា និងពីចម្ងាយ; សហការយ៉ាងសកម្មជាមួយអង្គការអន្តរជាតិ ដើម្បីទប់ស្កាត់ការវិវត្តដ៏ស្មុគស្មាញក្នុងស្ថានភាពពិភពលោក។

លោកនាយករដ្ឋមន្ត្រី Pham Minh Chinh សួរសុខទុក្ខ និងលើកទឹកចិត្តដល់ថ្នាក់ដឹកនាំ កម្មាភិបាល និងយុទ្ធជននៃនាយកដ្ឋាននគរបាលគ្រប់គ្រងរដ្ឋបាលខាងសណ្តាប់ធ្នាប់សង្គម (រូបថត៖ nhandan.vn)

នាព្រឹកថ្ងៃដដែល លោកនាយករដ្ឋមន្ត្រី Pham Minh Chinh បានអញ្ជើញចុះសាកសួរសុខទុក្ខ និងជូនពរឆ្នាំថ្មីដល់នាយកដ្ឋានសន្តិសុខនយោបាយ និងនាយកដ្ឋាននគរបាលគ្រប់គ្រងរដ្ឋបាលខាងសណ្តាប់ធ្នាប់សង្គម។ លោកនាយករដ្ឋមន្ត្រី Pham Minh Chinh បានស្នើឲ្យបណ្ដាអង្គភាពពង្រីកប្រពៃណីរបស់កងកម្លាំងនគរបាលប្រជាជន ដោយរក្សាស្ថិរភាពនយោបាយ ឯករាជ្យ អធិបតេយ្យភាព និងបូរណភាពដែនដី ហើយជំរុញការធ្វើម្ចាស់លើវិទ្យាសាស្ត្រ បច្ចេកវិទ្យា យកចិត្តទុកដាក់ដល់ការកសាងមូលដ្ឋាន ទិន្នន័យ ជំរុញការផ្លាស់ប្តូរឌីជីថល ដោយហេតុនោះរក្សាបាននូវតួនាទីត្រួសត្រាយក្នុងការរក្សាសន្តិសុខជាតិ សណ្តាប់ធ្នាប់ សុវត្ថិភាពសង្គម បង្កើតលំហអភិវឌ្ឍន៍ថ្មីសម្រាប់ប្រទេសជាតិ៕

បកប្រែដោយ Huyen Trang