លោកនាយករដ្ឋមន្រ្តី Pham Minh Chinh អុជធូបគោរពវិញ្ញាណក្ខន្ធលោកអគ្គលេខាបក្ស Nguyen Phu Trong

លោកនាយករដ្ឋមន្ត្រី Pham Minh Chinh បានសម្តែងនូវការគោរព និងការដឹងគុណយ៉ាងជ្រាលជ្រៅចំពោះការរួមវិភាគទាន និងគុណូបក្ការៈដ៏ធំធេងរបស់លោកអគ្គលេខាបក្ស Nguyen Phu Trong ដែលជាអ្នកដឹកនាំដ៏ឆ្នើមម្នាក់។

លោកនាយករដ្ឋមន្រ្តី Pham Minh Chinh អុជធូបគោរពវិញ្ញាណក្ខន្ធលោកអគ្គលេខាបក្ស Nguyen Phu Trong (រូបថត៖ baochinhphu.vn)

ជាមួយនឹងសកម្មភាពបដិវត្តន៍ដ៏សកម្ម និងរហូតឥតឈប់ឈរក្នុងរយៈពេលជិត ៦០ ឆ្នាំ លោកសាស្រ្តាចារ្យ បណ្ឌិត អគ្គលេខាបក្ស Nguyen Phu Trong បានបន្សល់ទុកឲ្យបក្សទាំងមូល ប្រជាជនទាំងមូល និងកងទ័ពទាំងមូល នូវប្រព័ន្ធមនោគមវិជ្ជា និងទ្រឹស្តីដ៏មានតម្លៃលើមាគ៌ានៃបដិវត្តន៍វៀតណាមក្នុងយុគសម័យថ្មី។

នៅចំពោះមុខវិញ្ញាណក្ខន្ធរបស់លោកអគ្គលេខាបក្ស Nguyen Phu Trong លោកនាយករដ្ឋមន្ត្រី Pham Minh Chinh បានសម្តែងនូវការប្តេជ្ញាបន្តខិតខំជាមួយបក្សទាំងមូល និងប្រជាជនទាំងមូល លើកកំពស់កម្លាំងមហាសាមគ្គីជាតិ និងរួមជាមួយប្រទេសឈានចូលយុគសម័យថ្មី - យុគសម័យនៃការអភិវឌ្ឍដ៏ខ្លាំងក្លា  អរិយធម៌ វិបុលភាព ប្រជាជនកាន់តែសុខសប្បាយនិងសុភមង្គលថែមទៀត។

លោកនាយករដ្ឋមន្ត្រី Pham Minh Chinh សួរសុខទុក្ខលោកជំទាវ Ngo Thi Man ភរិយារបស់លោកអគ្គលេខាបក្ស Nguyen Phu Trong (រូបថត៖ baochinhphu.vn)

ក្នុងឱកាសបុណ្យចូលឆ្នាំថ្មី លោកនាយករដ្ឋមន្ត្រី Pham Minh Chinh បានសួរសុខទុក្ខអំពីសុខភាពរបស់លោកជំទាវ Ngo Thi Man ភរិយារបស់លោកអគ្គលេខាបក្ស Nguyen Phu Trong ព្រមទាំងជូនពរឲ្យលោកជំទាវ និងក្រុមគ្រួសារ ឲ្យមានសុខភាពល្អ និងវិបុលសុខ៕

បកប្រែដោយ Huyen Trang