វៀតណាម និងស្វីសឯកភាពគ្នាដំឡើងទំនាក់ទំនងទៅជាដៃគូគ្រប់ជ្រុងជ្រោយ

នៅក្នុងកិច្ចសន្ទនានេះ លោកនាយករដ្ឋមន្ត្រី Pham Minh Chinh និងលោកស្រីប្រធានាធិបតីស្វីស Keller-Sutter បានវាយតម្លៃថា ទំនាក់ទំនងវៀតណាម-ស្វីសនាពេលថ្មីៗនេះ មានការអភិវឌ្ឍន៍វិជ្ជមានលើវិស័យជាច្រើន ជាពិសេសគឺនយោបាយ -ការទូត ពាណិជ្ជកម្ម-វិនិយោគ កិច្ចសហប្រតិបត្តិការអភិវឌ្ឍន៍ វិទ្យាសាស្ត្រ-បច្ចេកវិទ្យា អប់រំ-បណ្តុះបណ្តាល...

លោក Pham Minh Chinh នាយករដ្ឋមន្ត្រីវៀតណាម ជួបពិភាក្សាការងារជាមួយលោកស្រី Karin Keller-Sutter ប្រធានាធិបតីស្វីស

លោកស្រីប្រធានាធិបតីស្វីស Karin Keller-Sutter បានអះអាងថា កិច្ចពិភាក្សាការងារជាមួយលោកនាយករដ្ឋមន្ត្រី Pham Minh Chinh និងការដែលភាគីទាំងពីរឯកភាពដំឡើងទំនាក់ទំនងទៅជាភាពជាដៃគូលើគ្រប់ជ្រុងជ្រោយ មានសារសំខាន់ណាស់ ដែលជួយទំនាក់ទំនងទ្វេភាគីអភិវឌ្ឍឱ្យកាន់តែប្រសើរឡើង កាន់តែមានប្រសិទ្ធភាពក្នុងពេលខាងមុខ និងបានឯកភាពថា ភាគីទាំងពីរនឹងបន្តសម្របសម្រួលយ៉ាងជិតស្និទ្ធ ដើម្បីអនុវត្តជាក់ស្តែងខ្លឹមសារនៃភាពជាដៃគូលើគ្រប់ជ្រុងជ្រោយ។

លោក Pham Minh Chinh នាយករដ្ឋមន្ត្រីវៀតណាម ជួបពិភាក្សាការងារជាមួយលោកស្រី Karin Keller-Sutter ប្រធានាធិបតីស្វីស

លោកនាយករដ្ឋមន្ត្រី Pham Minh Chinh បានវាយតំលៃខ្ពស់ចំពោះផែនការរបស់ស្វីសក្នុងការបន្តជួយឧបត្ថម្ភវៀតណាមក្នុងវិស័យសហប្រតិបត្តិការអភិវឌ្ឍន៍ក្នុងដំណាក់កាល ២០២៥-២០២៨។ លោកប្រធានាធិបតីស្វីសបានស្វាគមន៍ចំពោះសំណើរបស់លោកនាយករដ្ឋមន្ត្រី Pham Minh Chinh និងបង្ហាញឆន្ទៈពង្រីកកិច្ចសហប្រតិបត្តិការជាមួយវៀតណាមលើវិស័យថ្មីៗសមស្របនឹងតម្រូវការ និងភាពខ្លាំងរបស់ភាគីទាំងពីរដូចជា នវានុវត្តន៍ និងការធ្វើបរិវត្តកម្មឌីជីថល បច្ចេកវិទ្យាខ្ពស់ បញ្ញាសិប្បនិមិត្ត (AI) semiconductors ការឆ្លើយតបទៅនឹងបម្រែបម្រួលអាកាសធាតុ ការទិញលក់ឥណទានកាបូន ចែករំលែកបទពិសោធន៍ គាំទ្រការកសាងមជ្ឈមណ្ឌលហិរញ្ញវត្ថុអន្តរជាតិនៅទីក្រុងហូជីមិញ នៃប្រទេសវៀតណាម ... ថ្នាក់ដឹកនាំទាំងពីរបានវាយតម្លៃខ្ពស់ចំពោះសារៈសំខាន់នៃកិច្ចសហប្រតិបត្តិការ ការពារជាតិ សន្តិសុខ ការលើកកម្ពស់កិច្ចសហប្រតិបត្តិការឧស្សាហកម្មការពារជាតិ ការបណ្តុះបណ្តាល ការកសាងសមត្ថភាព និងការគាំទ្រសម្រាប់ការចូលរួមក្នុងកងកម្លាំងរក្សាសន្តិភាព ការស្រាវជ្រាវ ចរចា និងចុះហត្ថលេខាលើកិច្ចព្រមព្រៀងសហប្រតិបត្តិការការពារជាតិ និងសន្តិសុខ។

នៅក្នុងកិច្ចពិភាក្សា ថ្នាក់ដឹកនាំទាំងពីរបានអញ្ជើញជាសាក្សីក្នុងពិធីប្រគល់អនុស្សារណៈនៃកិច្ចសហប្រតិបត្តិការរវាងក្រសួងការបរទេសវៀតណាម និងក្រសួងការបរទេសនៃប្រទេសស្វីស។

បកប្រែដោយ Thanh Cong