ទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងរុស្ស៊ីទទួលបានលទ្ធផលគួរឲ្យចាប់អារម្មណ៍

សង្ខេបអំពីការអភិវឌ្ឍន៍ទំនាក់ទំនងរុស្ស៊ី-វៀតណាមឆ្នាំ២០២៤ លោកឯកអគ្គរដ្ឋទូត G.S.Bezdetko បានសង្កត់ធ្ងន់ថា៖ ព្រឹត្តិការណ៍សំខាន់ឆ្នាំ២០២៤ គឺដំណើរទស្សនកិច្ចផ្លូវរដ្ឋរបស់ លោក Vladimir Putin ប្រធានាធិបតីរុស្ស៊ី ទៅកាន់វៀតណាមក្នុងខែមិថុនា ដំណើរទស្សនកិច្ចរបស់លោក Tran Thanh Man ប្រធានរដ្ឋសភាវៀតណាម នៅសហព័ន្ធរុស្ស៊ីក្នុងខែកញ្ញា និងលោក Pham Minh Chinh នាយករដ្ឋមន្ត្រីវៀតណាម ចូលរួមកិច្ចប្រជុំកំពូល BRICS នៅទីក្រុង Kazan (រុស្ស៊ី) ក្នុងខែតុលា។ ដំណើរទស្សនកិច្ចទាំងនេះបានបង្កើតកម្លាំងចលករយ៉ាងច្បាស់លាស់សម្រាប់ទំនាក់ទំនងរវាងភ្នាក់ងារនៃប្រទេសទាំងពីរ។

លោកឯកអគ្គរដ្ឋទូត G.S.Bezdetko

កិច្ចសហប្រតិបត្តិការសេដ្ឋកិច្ចរវាងរុស្ស៊ី និងវៀតណាមបានអភិវឌ្ឍជាបន្តបន្ទាប់ក្នុងរយៈពេលថ្មីៗនេះ។ ប្រទេសទាំងពីរកំពុងរៀបចំពង្រាងផែនការគ្រប់ជ្រុងជ្រោយលើការអភិវឌ្ឍន៍កិច្ចសហប្រតិបត្តិការរុស្ស៊ី-វៀតណាមរហូតដល់ឆ្នាំ២០៣០ ដែលរួមមានផែនទីបង្ហាញផ្លូវដើម្បីជំរុញកិច្ចសហប្រតិបត្តិការលើវិស័យពាណិជ្ជកម្ម-វិនិយោគ ឧស្សាហកម្ម ថាមពល និងគមនាគមន៍ បច្ចេកវិទ្យាព័ត៌មាន និងទំនាក់ទំនង វិទ្យាសាស្ត្រ និងអប់រំ ... សកម្មភាពផ្លាស់ប្តូរវប្បធម៌ និងកិច្ចសហប្រតិបត្តិការអប់រំរវាងប្រទេសទាំងពីរក៏តែងតែផ្តោតសំខាន់តាមរយៈកម្មវិធីប្រកបដោយប្រសិទ្ធភាពនៃមជ្ឈមណ្ឌលវិទ្យាសាស្ត្រសិក្សា និងវប្បធម៌រុស្ស៊ីនៅវៀតណាម។ “លទ្ធផលដែលសម្រេចបាននេះ បង្ហាញយ៉ាងច្បាស់នូវស្មារតីរួមរបស់ភាគីទាំងពីរ ក្នុងការលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយ។ លោកឯកអគ្គរដ្ឋទូត G.S.Bezdetko បានបញ្ជាក់ថា រុស្ស៊ីត្រៀមខ្លួនជាស្រេចដើម្បីពង្រីកកិច្ចសហប្រតិបត្តិការជាក់ស្តែងជាមួយវៀតណាមលើវិស័យជាច្រើន ហើយសង្ឃឹមថាកិច្ចសហប្រតិបត្តិការប្រពៃណីរវាងប្រទេសទាំងពីរនឹងត្រូវបានពង្រឹងថែមទៀត”។

បកប្រែដោយ Duy Hoan