វៀតណាមប្រគល់មេដាយ និងគ្រឿងឥស្សរិយយសជូនអង្គភាព និងបុគ្គលនៃការិយាល័យប្រធានរដ្ឋឡាវ

នេះជារង្វាន់ដ៏ថ្លៃថ្លារបស់បក្ស និងរដ្ឋវៀតណាមជូនដល់អង្គភាព និងបុគ្គលនៃការិយាល័យប្រធានរដ្ឋឡាវដែលសម្រេចបានស្នាដៃឆ្នើមជាច្រើនក្នុងការពង្រឹង និងពង្រីកទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយវៀតណាម-ឡាវ។

លោក Nguyen Minh Tam (ទី៤ ពីខាងស្តាំដៃ) ឯកអគ្គរដ្ឋទូតវៀតណាមប្រចាំនៅឡាវ ប្រគល់គ្រឿងឥស្សរិយយសឯករាជ្យថ្នាក់ទី១ ជូនអង្គភាពនៃការិយាល័យប្រធានរដ្ឋឡាវ (រូបថត៖ vnanet.​vn)

ថ្លែងនៅក្នុងពិធីនេះ លោក Nguyen Minh Tam ឯកអគ្គរដ្ឋទូតវៀតណាមប្រចាំនៅឡាវ បានវាយតំលៃខ្ពស់ចំពោះលទ្ធផលនៃកិច្ចសហប្រតិបត្តិការរវាងការិយាល័យប្រធានរដ្ឋវៀតណាម និងការិយាល័យប្រធានរដ្ឋឡាវក្នុងការបង្កើនការផ្លាស់ប្តូរព័ត៌មាន និងចែករំលែកបទពិសោធន៍ សហការយ៉ាងជិតស្និទ្ធ និងខិតខំប្រឹងប្រែងជាមួយក្រសួង ស្ថាប័ន មូលដ្ឋាននានានិងប្រជាជននៃប្រទេសទាំងពីរ រួមចំណែកប្រកបដោយប្រសិទ្ធភាពក្នុងការពង្រឹង និងពង្រីកទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយវៀតណាម-ឡាវ៕

បកប្រែដោយ Huyen Trang