លោក Pham Minh Chinh នាយករដ្ឋមន្ត្រី ចូលរួមពិធីបើកការដ្ឋាន និងត្រួតពិនិត្យគម្រោងហេដ្ឋារចនាសម្ព័ន្ធនៅទីក្រុង Lao Cai

ផ្លូវដែក Lao Cai - ហាណូយ - Hai Phong ត្រូវបានគេរំពឹងថា នឹងមានថវិកាវិនិយោគសរុបប្រហែល ១១.៦ ពាន់លានដុល្លារអាមេរិក ដែលមានប្រវែងសរុបជិត ៤០០ គីឡូម៉ែត្រ ឆ្លងកាត់ខេត្ត-ក្រុងចំនួន ៩ រួមមាន៖ ខេត្ត Lao Cai ខេត្ត Yen Bai ខេត្ត Phu Tho ខេត្ត Vinh Phuc ទីក្រុងហាណូយ ខេត្ត Bac Ninh ខេត្ត Hung Yen ខេត្ត Hai Duong និងខេត្ត Hai Phong។ តាមគម្រោង ផ្លូវដែកនេះនឹងចាប់ផ្តើមសាងសង់នៅចុងឆ្នាំ ២០២៥ ហើយនឹងបញ្ចប់នៅចុងឆ្នាំ២០៣០។

លោក Pham Minh Chinh ថ្លែងក្នុងពិធីបើកការដ្ឋានសាងសង់លំនៅដ្ឋានសង្គមនៅទីក្រុង Lao Cai (រូបថត៖ vnanet.vn)

លោកនាយករដ្ឋមន្ត្រីបានស្នើថា ដើម្បីសម្រេចបាននូវគោលដៅនៃការចាប់ផ្តើមអនុវត្តគម្រោងនៅចុងឆ្នាំ២០២៥ ក្រសួងគមនាគមដឹកជញ្ជូនវៀតណាមត្រូវសហការយ៉ាងជិតស្និទ្ធជាមួយក្រសួង ស្ថាប័ន និងមូលដ្ឋាននានាដើម្បីបញ្ចប់ការរៀបចំ  ហើយជូនឯកសារគម្រោងដល់រដ្ឋាភិបាល និងអាជ្ញាធរមានសមត្ថកិច្ច។

យោងតាមលោកនាយករដ្ឋមន្ត្រី ចាំបាច់កែសម្រួលចំនួន និងទីតាំងនៃស្ថានីយ៍ដឹកទំនិញ និងអ្នកដំណើរឲ្យបានសមស្រប ធានានូវប្រតិបត្តិការប្រកបដោយប្រសិទ្ធភាព។ ទន្ទឹមនឹងនោះ ល្បឿនរថភ្លើង និងផ្លូវរថភ្លើងត្រូវធានាបាននូវព្រមៗគ្នាជាមួយផ្លូវដែកចិន។ ជាពិសេស ត្រូវសហការយ៉ាងជិតស្និទ្ធជាមួយប្រទេសចិន ដើម្បីធានាការតភ្ជាប់ផ្លូវដែកវៀតណាម និងចិនប្រកបដោយរលូន។

*នារសៀលថ្ងៃដដែល លោក Pham Minh Chinh នាយករដ្ឋមន្ត្រី បានអញ្ជើញចូលរួមពិធីបើកការដ្ឋានសាងសង់គម្រោងលំនៅដ្ឋានសង្គម Golden Square Lao Cai ដែលបណ្តាក់ទុនដោយក្រុមហ៊ុន Dong A Golden Square និងក្រុមហ៊ុន Foodinco Quy Nhon នៃសម្ព័ន្ធក្រុមហ៊ុន Alphanam នៅសង្កាត់ Bac Lenh ទីក្រុង Lao Cai៕

បកប្រែដោយ Thuy Anh