ពិធីអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាម៖ កម្មវិធីប្រគុំតន្ត្រី និងការសម្តែងសិល្បៈ "បទចម្រៀងដែលមិនអាចបំភ្លេចបាន"

អញ្ជើញចូលរួមមានសមាជិកការិយាល័យនយោបាយ៖ លោក Tran Thanh Man ប្រធានរដ្ឋសភា; លោកនាយឧត្តមសេនីយ៍ Phan Van Giang អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេស លោក Nguyen Van Nen លេខាគណៈកម្មាធិការបក្សទីក្រុងហូជីមិញ។

ប្រតិភូអញ្ជើញ​ចូល​រួម​ពិធី

ការសម្តែង​មួយ​អញ្ជើញ​ចូល​រួម​ពិធី

ប្រតិភូទាំង​ឡាយ​ថតរូប​ជុំ​គ្នា

នៅក្នុងកម្មវិធី ប្រតិភូ និងទស្សនិកជន បានទស្សនាការសម្តែងនានាដែលរួមផ្សំគ្នានៃបទចម្រៀងបដិវត្តន៍ដ៏ល្បីល្បាញ ដោយមានការចូលរួមពីសិល្បករសិ្បការិនីជាង ១០០ នាក់ រួមជាមួយនឹងការសម្តែងបង្កើតឡើងវីញខណៈប្រវត្តិសាស្ត្រវីរភាព។ កម្មវិធីនេះរួមបញ្ចូលទាំងការសម្តែងសិល្បៈចំនួន ១៨ (ការសម្តែងបើកឆាក ១ និងការសម្តែងសំខាន់ៗចំនួន ១៧) ដែលត្រូវបានចែកចេញជា ៣ ជំពូក "មាតុភូមិក្នុងក្រអៅបេះដូង" "បទចម្រៀងដែលមិនអាចបំភ្លេចបាន" និង "ពលីកម្មដើម្បីប្រជាជន" ។ ការសម្តែងត្រូវបានរៀបចំឡើងយ៉ាងល្អិតល្អន់ និងទាក់ទាញ ដោយមានការគាំទ្រពីបច្ចេកវិទ្យាព័ត៌មានទំនើប ហើយខ្លឹមសារត្រូវបានផ្សារភ្ជាប់ជាមួយនឹងប្រពៃណីវីរភាពរបស់កងទ័ពប្រជាជនវៀតណាមក្នុងរយៈពេល ៨០ ឆ្នាំកន្លងមក។

គណៈប្រតិភូរៀបចំដាក់កម្រងផ្កាគោរពវិញ្ញាណក្ខន្ធនៅស្តូបលោកប្រធានហូជីមិញនៅទីលានវិថីថ្មើរជើង Nguyen Hue

គួរំលឹកថា គណៈប្រតិភូបានរៀបចំដាក់កម្រងផ្កាគោរពវិញ្ញាណក្ខន្ធនៅស្តូបលោកប្រធានហូជីមិញ នៅទិលានវិថីថ្មើរជើង Nguyen Hue។ ក្នុងបរិយាកាសដ៏ឧឡារិក និងរំជួលចិត្ត លោក Tran Thanh Man ប្រធានរដ្ឋសភាវៀតណាម និងគណៈប្រតិភូបានស្មឹងស្មាតគោរពដល់វិញ្ញាណក្ខន្ធ សម្តែងការដឹងគុណចំពោះការរួមវិភាគទានដ៏ធំធេងរបស់លោកប្រធានហូជីមិញ។ សុំប្តេជ្ញារួមកម្លាំង រួបរួម សាមគ្គីគ្នា បន្តលើកកំពស់ការសិក្សា និងអនុវត្តតាមមនោគមវិជ្ជា ក្រមសីលធម៌ និងរចនាបថរបស់លោកហូជីមិញ កសាងប្រទេសរឹងមាំ រីកចម្រើន និងលើកកំពស់ជីវភាពរស់នៅរបស់ប្រជាជន ការពារមាតុភូមិសង្គមនិយមវៀតណាមយ៉ាងរឹងមាំ៕

បកប្រែដោយ Duy Hoan