ពិធីគោរពទង់ជាតិពិសេសក្នុងឱកាសអបអរសាទរទិវាបង្កើតកងទ័ពប្រជាជនវៀតណាមនៅសាធារណរដ្ឋអាហ្វ្រិកកណ្តាល

ពិធីនេះដឹកនាំដោយលោកឧត្តមសេនីយ៍ត្រី Nicolae-Gabriel OROS មេបញ្ជាការស្ថានបេសកកម្ម EUTM RCA និងលោកវរសេនីយ៍ឯក ALVAREZ ROY Francisco Javier នាយសេនាធិការនៃស្ថានបេសកកម្ម។

ទង់ជាតិវៀតណាមបក់រវិកៗនៅទីស្នាក់ការស្ថានបេសកកម្ម EUTM RCA

ថ្លែងនៅពិធី លោកស្រីវរសេនីយ៍ឯកបំរុង Vu Thi Lien បានចែករំលែកនូវមោទនភាពចំពោះប្រវត្តិសាស្ដ្រវីរភាពរបស់កងទ័ពប្រជាជនវៀតណាមក្នុងរយៈពេល  ៨០ ឆ្នាំនៃការកសាងនិងអភិវឌ្ឍន៍កន្លងមក។ នៅចំពោះមុខសហការី និងមិត្តភ័ក្តិអន្តរជាតិ លោកស្រីវរសេនីយ៍ឯកបំរុង Vu Thi Lien បានថ្លែងអំណរគុណយ៉ាងជ្រាលជ្រៅចំពោះបញ្ជាការដ្ឋានបេសកកម្ម និងសហការីអន្តរជាតិដែលតែងតែរួមដំណើរ និងគាំទ្រនាយទាហានវៀតណាមទាំងពីរក្នុងដំណើរការអនុវត្តភារកិច្ច។ លោកស្រីបានអះអាងថា នាយទាហានទាំងពីរបានខិតខំអស់ពីសមត្ថភាពដើម្បីផ្សព្វផ្សាយតម្លៃល្អបំផុតរបស់កងទ័ពប្រជាជនវៀតណាមទៅកាន់មិត្តអន្តរជាតិ។

លោកស្រីវរសេនីយ៍ឯកបំរុង Vu Thi Lien មានកិត្តិយសទទួលបានរង្វាន់ដ៏ថ្លៃថ្នូក្រោយពីរយៈពេល២ ឆ្នាំ បំពេញភារកិច្ចនៅស្ថានបេសកកម្ម EUTM RCA

លោកវរសេនីយ៍ត្រី Le Nhu Tien មានកិត្តិយសទទួលរង្វាន់ដ៏ថ្លៃថ្នូ

ក្នុងបរិយាកាសដ៏ឱឡារិកនៃពិធីនេះ លោកឧត្តមសេនីយ៍ត្រី Nicolae-Gabriel OROS បានប្រគល់គ្រឿងឥស្សរិយយសសាធារណៈរដ្ឋអាហ្រ្វិកកណ្តាលដល់លោកស្រីវរសេនីយ៍ឯកបំរុង Vu Thi Lien និងលោកវរសេនីយ៍ត្រី Le Nhu Tien; ប្រគល់ប័ណ្ណសរសើររបស់ EU ដល់លោកស្រីវរសេនីយ៍ឯកបំរុង Vu Thi Lien និងលោកវរសេនីយ៍ត្រី  Le Nhu Tien។

ថ្លែងក្នុងពិធីនេះ លោកឧត្តមសេនីយ៍ត្រី Nicolae-Gabriel OROS បានសង្កត់ធ្ងន់លើតួនាទីសំខាន់របស់វៀតណាមក្នុងការបញ្ជូននាយទាហានទៅចូលរួមស្ថានបេសកកម្ម EUTM RCA។ លោកបានអះអាងថា នេះជាសក្ខីភាពបង្ហាញពីទំនាក់ទំនងសហប្រតិបត្តិការល្អរវាងវៀតណាម និង EU ឆ្ពោះទៅគោលដៅរួមដើម្បីសន្តិភាព ស្ថិរភាព និងការអភិវឌ្ឍន៍ប្រកបដោយចីរភាព។

ទិដ្ឋភាពនៃពិធីគោរពទង់ជាតិអបអរសាទរទិវាបង្កើតកងទ័ពប្រជាជនវៀតណាមនៅស្ថានបេសកកម្ម EUTM RCA

លោកស្រីវរសេនីយ៍ឯកបំរុង Vu Thi Lien មានមោទនភាពជាមួយទង់ជាតិ

ក្នុងរយៈពេលពីរឆ្នាំបំពេញភារកិច្ចនៅស្ថានបេសកកម្ម នាយទាហានវៀតណាមពីររូបបានទទួលរង្វាន់ដ៏ថ្លៃថ្លាជាច្រើនពីសាធារណរដ្ឋអាហ្វ្រិកកណ្តាល និងសហភាពអឺរ៉ុប។ ជាពិសេស នាយកទីភ្នាក់ងារផែនការ និងដឹកនាំយោធានៃស្ថាប័នការបរទេសអឺរ៉ុបបានផ្ញើលិខិតសរសើរដល់ក្រសួងការពារប្រទេសវៀតណាម ហើយវាយតំលៃខ្ពស់ចំពោះការរួមចំណែករបស់លោកស្រីវរសេនីយ៍ឯកបំរុង Vu Thi Lien ក្នុងកិច្ចការអន្តរជាតិនៅ EUTM RCA៕

បកប្រែដោយ Pham Diep