នាវា CSB 8005 របស់វៀតណាម បានបញ្ចប់ដំណើរទស្សនកិច្ច និងសកម្មភាពជួបប្រាស្រ័យនៅប្រទេសឥណ្ឌា

កងឆ្មាំសមុទ្រវៀតណាម និងកងកម្លាំងការពារឆ្នេរសមុទ្រឥណ្ឌា

ដំណើរទស្សនកិច្ច ជួបប្រាស្រ័យ ផ្លាស់ប្តូរ និងចែករំលែកបទពិសោធន៍របស់កងឆ្មាំសមុទ្រវៀតណាមនៅឥណ្ឌា គឺជាផ្នែកមួយនៃកម្មវិធីសហប្រតិបត្តិការអន្តរជាតិរវាងកងកម្លាំងទាំងពីរ ដើម្បីពង្រឹងទំនាក់ទំនងមិត្តភាព ជាពិសេសលើវិស័យសន្តិសុខ សុវត្ថិភាពដែនសមុទ្រ និងការការពារបរិស្ថានសមុទ្រ។ ក្នុងជំនួបសម្តែងការគួរសមជាមួយមេបញ្ជាការកងកម្លាំងការពារឆ្នេរសមុទ្រតំបន់លេខ៤ ឥណ្ឌា  លោកវរសេនីយ៍ឯក Nguyen Minh Khanh មេបញ្ជាការរង នាយសេនាធិការនៃបញ្ជាការដ្ឋានឆ្មាំសមុទ្រតំបន់លេខ៣ នៃកងឆ្មាំសមុទ្រវៀតណាមបានថ្លែងអំណរគុណចំពោះការស្វាគមន៍យ៉ាងកក់ក្តៅ និងកិច្ចសហប្រតិបត្តិការជិតស្និទ្ធរបស់កងកម្លាំងការពារឆ្នេរសមុទ្រឥណ្ឌាជូនចំពោះគណៈប្រតិភូកងឆ្មាំសមុទ្រវៀតណាម ហើយបានសង្កត់ធ្ងន់ថា ដំណើរទស្សនកិច្ចលើកនេះ រួមចំណែករឹតចំណងមិត្តភាពកិច្ចសហប្រតិបត្តិការរវាងកងកម្លាំងទាំងពីរ រួមចំណែកជាវិជ្ជមានដល់ទំនាក់ទំនងរវាងកងកម្លាំងទាំងពីរ រួមចំណែកលើការកសាងបរិយាកាសនាវាចរណ៍ប្រកបដោយសុវត្ថិភាព សន្តិសុខ សន្តិភាព និងស្ថិរភាពក្នុងតំបន់។

នាវា CSB 8005 ចាកចេញពីកំពង់ផែទីក្រុង Kochi

បន្ទាប់ពីចាកចេញពីកំពង់ផែទីក្រុង Kochi នាវា CSB 8005 បានចូលរួមក្នុងការហ្វឹកហ្វឺនរួមគ្នាលើការស្វែងរក និងជួយសង្គ្រោះ ការការពារអគីភ័យ ការផ្ទុះ និងការឆ្លើយតបចំពោះការហៀវប្រេងនៅសមុទ្រជាមួយកងការពារឆ្នេរសមុទ្រឥណ្ឌាក្នុងតំបន់សមុទ្រនាក្រៅទីក្រុង Kochi ។

បកប្រែដោយ Duy Hoan