ពង្រីកធនធានពីជនជាតិវៀតណាមនៅឯបរទេស​ក្នុងបុព្វហេតុកសាងប្រទេសជាតិ

លោក Bui Thanh Son ឧបនាយករដ្ឋមន្ត្រី រដ្ឋមន្ត្រីក្រសួងការបរទេស បានជូនប័ណ្ណសរសើរដល់អង្គភាពដែលមានស្នាដៃឆ្នើមក្នុងការងារជនជាតិ​វៀតណាមនៅឯបរទេស

ថ្លែងក្នុងអង្គសិក្ខាសាលា លោក Bui Thanh Son ឧបនាយករដ្ឋមន្ត្រី រដ្ឋមន្ត្រីក្រសួងការបរទេសវៀតណាម បានអះអាងថា សេចក្តីសម្រេចចិត្តលេខ ៣៦ គឺជាឯកសារដែលមានអត្ថន័យប្រវត្តិសាស្ត្រ មានសារៈសំខាន់ពិសេសនិងអត្ថន័យជាយុទ្ធសាស្ត្ររយៈពេលវែង បង្ហាញពីផ្នត់គំនិតថ្មី របកគំហើញរបស់បក្សលើតួនាទីនិងសារៈសំខាន់នៃសហគមន៍ជនជាតិ​វៀតណាមនៅឯបរទេស។

ទស្សនៈដឹកនាំនៃសេចក្ដីសម្រេចចិត្ដបានបង្កើតឡើងគោលនយោបាយ  បទប្បញ្ញត្តិ និងផ្លូវច្បាប់ជាច្រើនសម្រាប់ជនជាតិ​វៀតណាមនៅឯបរទេស បំពេញនូវសេចក្តីប្រាថ្នាស្របច្បាប់របស់ជនជាតិ​វៀតណាមនៅឯបរទេស បង្កើតលក្ខខណ្ឌអំណោយផលសម្រាប់ជនជាតិ​វៀត​ណាម​នៅ​ឯបរទេស​ ដែល​មិនត្រឹមតែរក្សាទំនាក់ទំនងជិតស្និទ្ធជាមួយមាតុភូមិ ធ្វើអាជីវកម្ម វិនិយោគនៅវៀតណាមប៉ុណ្ណោះទេ  ប៉ុន្តែថែមទាំងក៏លើកកម្ពស់ធនធានក្នុងបុព្វហេតុកសាងប្រទេសជាតិផងដែរ។

ប្រតិភូទាំងឡាយថតរូបជាអនុស្សាវរីយ៍

បទអន្ដរាគមន៍ទាំងឡាយដែលបានថ្លែងក្នុងសិក្ខាសាលាបានវាយតម្លៃខ្ពស់ចំពោះសារៈសំខាន់ដ៏ធំធេងនៃសេចក្ដីសម្រេចចិត្ដលេខ ៣៦ និងលទ្ធផលដែល គណៈកម្មាធិការរដ្ឋទទួលបន្ទុកជនជាតិវៀតណាមនៅឯបរទេសសម្រេចបានក្នុងរយៈពេល ៦៥ ឆ្នាំកន្លងមក៕

បកប្រែដោយ Thanh Cong