លោកអគ្គលេខាបក្ស To Lam អញ្ជើញជួបសំណេះសំណាលជាមួយម្ចាស់ឆ្នោតនៅខេត្ត Hung Yen

លោកអគ្គលេខាបក្ស To Lam អញ្ជើញជួបសំណេះសំណាលជាមួយម្ចាស់ឆ្នោតនៅខេត្ត Hung Yen

នៅក្នុងពិធីនេះ លោកអគ្គលេខាបក្ស To Lam បានឆ្លើយសំណួរទាំងឡាយរបស់ម្ចាស់ឆ្នោតអំពីស្ថានភាពអភិវឌ្ឍន៍សេដ្ឋកិច្ចសង្គមរបស់ប្រទេសជាតិ ជាពិសេសអំពីគោលការណ៍ និងគោលនយោបាយសំខាន់ៗ ដែលបានអនុម័តនៅក្នុងសម័យប្រជុំលើកទី៨ រដ្ឋសភានីតិកាលទី ១៥។ ទាក់ទងនឹងការរៀបចំនិងបង្រួមក្បាលម៉ាស៊ីនរបស់បណ្តាស្ថាប័នបក្ស និងរដ្ឋ ម្ចាស់ឆ្នោតជាច្រើនបានសម្តែងការស្រុះចិត្តគំនិត និងគាំទ្រចំពោះគោលនយោបាយនេះ ដោយចាត់ទុកថា នេះជាបេសកកម្មជាប្រវត្តិសាស្ត្រដើម្បីជួយលើកកម្ពស់ប្រសិទ្ធភាពប្រតិបត្តិការរបស់ស្ថាប័នរដ្ឋ ទន្ទឹមនឹងនោះ បង្កើនប្រភពថវិការដ្ឋ សម្រាប់ការវិនិយោគអភិវឌ្ឍន៍ និងអនុវត្តគោលនយោបាយសុខុមាលភាពសង្គម។ លោកអគ្គលេខាបក្ស To Lam បានបញ្ជាក់ថា ប្រព័ន្ធនយោបាយទាំងមូលមានការប្តេជ្ញាចិត្តខ្ពស់អនុវត្តបដិវត្តន៍ក្នុងពេលឆាប់ៗនេះ នូវការបង្រួមក្បាលម៉ាស៊ីន ដើម្បីបំពេញតម្រូវការអភិវឌ្ឍន៍ក្នុងសម័យកាលថ្មី។ លើសពីនេះ លោកអគ្គលេខាបក្សក៏បានអញ្ជើញលើកឡើងដែរថា បច្ចុប្បន្នមិនទាន់មានគោលនយោបាយបង្រួមខេត្ត-ក្រុង ទូទាំងប្រទេសនោះទេ។

នារសៀលថ្ងៃដដែល លោកអគ្គលេខាបក្ស To Lam បានអញ្ជើញទៅសួរសុខទុក្ខ និងជូនអំណោយដល់គ្រួសារយុទ្ធជនពិការ អ្នកមានគុណូបការៈ និងគ្រួសារជួបការលំបាកនៅទីក្រុង Hung Yen ផងដែរ៕

បកប្រែដោយ Thanh Cong