លោកប្រធានរដ្ឋ Luong Cuong​ អញ្ជើញជាអធិបតីក្នុងពិធីទទួលបដិសណ្ឋារកិច្ចជាផ្លូវការលោកប្រធានាធិបតីប៊ុលហ្គារី

លោកប្រធានរដ្ឋ​ Luong Cuong​ អញ្ជើញជាអធិបតីក្នុងពិធីទទួលបដិសណ្ឋារកិច្ចជាផ្លូវការលោកប្រធានាធិបតីប៊ុលហ្គារី

បន្ទាប់ពីក្បួនរថយន្តអមដំណើរលោកប្រធានាធិបតី Rumen Radev និងភរិយាអញ្ជើញចូលវិមានប្រធានរដ្ឋ លោកប្រធានារដ្ឋ Luong Cuong និងភរិយាអញ្ជើញមានវត្តមាននៅលើកម្រាលព្រំក្រហម ផ្តល់បដិសណ្ឋារកិច្ចយ៉ាងកក់ក្តៅជូនចំពោះលោកប្រធានាធិបតី Rumen Radev ដែលដឹកនាំគណៈប្រតិភូជាន់ខ្ពស់ប៊ុលហ្គារី មកបំពេញទស្សនកិច្ចជាផ្លូវការនៅវៀតណាម។ លោកប្រធានរដ្ឋ Luong Cuong បានអញ្ជើញប្រធានាធិបតីប៊ុលហ្គារី ឡើងលើវេទិកាកិត្តិយស ថ្នាក់ដឹកនាំទាំងពីរបានអញ្ជើញត្រួតកងពលកិត្តិយសនៃកងទ័ពប្រជាជនវៀតណាម។ បន្ទាប់មក ថ្នាក់ដឹកនាំទាំងពីរបានឧទ្ទេសនាមសមាជិកនៃគណៈប្រតិភូជាន់ខ្ពស់នៃប្រទេសទាំងពីរដែលចូលរួមក្នុងពិធីទទួលបដិសណ្ឋារកិច្ច។

លោកប្រធានរដ្ឋ​ Luong Cuong​ និងលោកប្រធានាធិបតី Rumen Radev

លោកប្រធានរដ្ឋ  Luong Cuong និងភរិយា រួមជាមួយប្រធានាធិបតីប៊ុលហ្គារី Rumen Radev និងភរិយា

នេះគឺជាដំណើរទស្សនកិច្ចលើកដំបូងបន្ទាប់ពីរយៈពេល ១១ ឆ្នាំរបស់ប្រធានាធិបតីប៊ុលហ្គារី ហើយក៏ជាដំណើរទស្សនកិច្ចលើកដំបូងរបស់លោក Rumen Radev មកកាន់ប្រទេសវៀតណាមក្នុងនាមជាប្រធានាធិបតីផងដែរ។ ដំណើរទស្សនកិច្ចនេះប្រព្រឹត្តទៅក្នុងបរិបទដែលប្រទេសទាំងពីរកំពុងឆ្ពោះទៅប្រារព្ធខួបលើកទី ៧៥ នៃការបង្កើតទំនាក់ទំនងការទូតរវាងវៀតណាម និងប៊ុលហ្គារី ( ៨ កុម្ភៈ ១៩៥០ /​ ៨ កុម្ភៈ ២០២៥) ដើម្បីពង្រឹងនិងពង្រីកទំនាក់ទំនងជាប្រពៃណី មិត្តភាព និងកិច្ចសហប្រតិបត្តិការលើវិស័យនានារវាងប្រទេសទាំងពីរ។

បន្ទាប់ពីពិធីទទួលបដិសណ្ឋារកិច្ច លោកប្រធានរដ្ឋ Luong Cuong​ និងលោកប្រធានាធិបតី Rumen Radev បានជួបប្រជុំលក្ខណៈចង្អៀត បន្ទាប់មកបានដឹកនាំគណៈប្រតិភូជាន់ខ្ពស់នៃប្រទេសទាំងពីរជួបពិភាក្សាការងារដើម្បីវាយតម្លៃលើលទ្ធផលនៃកិច្ចសហប្រតិបត្តិការរវាងប្រទេសទាំងពីរនាពេលកន្លងមក និងលើក​​ទិសដៅនៃកិច្ចសហប្រតិបត្តិការនាពេលអនាគត។ ថ្នាក់ដឹកនាំទាំងពីរក៏នឹងធ្វើជាសាក្សីក្នុងពិធីចុះហត្ថលេខាលើឯកសារសហប្រតិបត្តិការផងដែរ៕

បកប្រែដោយ Thanh Cong