លោកអគ្គលេខាបក្ស To Lam ៖ ខិតខំបង្កើនចំណាត់ថ្នាក់អប់រំរបស់វៀតណាមនៅលើផែនទីអប់រំក្នុងតំបន់ និងអន្តរជាតិ

ថ្លែងមតិក្នុងជំនួបនេះ តាងនាមថ្នាក់ដឹកនាំបក្ស និងរដ្ឋ លោកអគ្គលេខាបក្ស To Lam បានអបអរសាទរ និងកោតសរសើរចំពោះសមិទ្ធិផលដែលសម្រេចបានក្នុងការផ្លាស់ប្តូរថ្មីវិស័យអប់រំ និងបណ្ដុះបណ្ដាល ក្នុងរយៈពេលកន្លងមក និងបានថ្លែងអំណរគុណយ៉ាងជ្រាលជ្រៅ និងជូនពរដល់គ្រូបង្រៀនគ្រប់ជំនាន់ទូទាំងប្រទេស ក្នុងឱកាសទិវាគ្រូបង្រៀនវៀតណាម ថ្ងៃទី២០ ខែវិច្ឆិកា។

លោកអគ្គលេខាបក្ស To Lam ថ្លែងក្នុង​ពិធី

លោកអគ្គលេខាបក្ស To Lam បានសង្កត់ធ្ងន់ថា ក្នុងដំណើរការបដិវត្តន៍ បក្ស និងរដ្ឋវៀតណាមតែងតែអះអាងថា ការអប់រំ បណ្តុះបណ្តាលគឺជាគោលនយោបាយកំពូលរបស់ប្រទេសជាតិ និងជាអនាគតរបស់ប្រទេសជាតិ។ ប្រវត្តិសាស្រ្តបដិវត្តន៍របស់វៀតណាមបង្ហាញថា ការអប់រំ និងបណ្តុះបណ្តាលដើរតួនាទីយ៉ាងសំខាន់ក្នុងការអភិវឌ្ឍប្រទេសជាតិ។ ក្នុងដំណើរការផ្លាស់ប្តូរថ្មីប្រទេស ការផ្លាស់ប្តូរថ្មីវិស័យអប់រំនិងបណ្តុះបណ្តាល ក្រោមការដឹកនាំរបស់បក្សសម្រេចបានលទ្ធផលវិជ្ជមានជាច្រើន។ ប្រព័ន្ធអប់រំជាតិកំពុងត្រូវបានកែលម្អក្នុងទិសដៅបើកចំហរ កសាងសង្គមសិក្សា ទំហំ និងបណ្តាញគ្រឹះស្ថានអប់រំបណ្ដុះបណ្ដាលមានការអភិវឌ្ឍ ឆ្លើយតបទៅនឹងតម្រូវការសិក្សារបស់ប្រជាពលរដ្ឋ។ លោកអគ្គលេខាបក្សឲ្យដឹងថា លទ្ធផលនោះគឺអាស្រ័យលើការដឹកនាំជាប្រចាំរបស់បក្ស និងរដ្ឋ ការចូលរួមពីប្រព័ន្ធនយោបាយទាំងមូល និងប្រជាជនទាំងមូល សាមគ្គីភាព ឯកភាពគ្នា និងខិតខំពុះពារជំនះរាល់ការលំបាកនៃវិស័យអប់រំទាំងមូល ជាពិសេសជួរគ្រូបង្រៀន កម្មាភិបាលគ្រប់គ្រងក្នុងវិស៍យអប់រំ ។

លោកអគ្គលេខាបក្ស To Lam ថតរូប​ជាមួយ​គ្រូបង្រៀន​ កម្មាភិបាលគ្រប់​គ្រង

ក្រៅពីលទ្ធផលដែលសម្រេចបាន លោកអគ្គលេខាបក្សក៏បានលើកឡើងពីចំណុចខ្វះខាតនៃការងារអប់រំ បណ្តុះបណ្តាល និងសង្កត់ធ្ងន់ថា ពិភពលោកកំពុងស្ថិតក្នុងដំណាក់កាលនៃការផ្លាស់ប្តូរជាលក្ខណះសម័យកាល ការប្រកួតប្រជែងរវាងប្រទេសធំៗគឺកាន់តែខ្លាំងឡើង បដិវត្តន៍ឧស្សាហកម្មទី៤ ការបង្កើតសេដ្ឋកិច្ចបញ្ញា ហើយសង្គមបញ្ញា បានធ្វើឲ្យការផ្លាស់ថ្មីការអប់រំ ក្លាយទៅជានិន្នាការសកល ហើយវៀតណាមមិនអាចឈរនៅខាងក្រៅនិន្នាការនោះបានឡើយ។

ដើម្បីសម្រេចបាននូវគោលដៅយុទ្ធសាស្ត្រទាំងនេះ លោកអគ្គលេខាបក្ស To Lam បានលើកឡើងបញ្ហាសំខាន់ៗសម្រាប់ការអប់រំនិងបណ្តុះបណ្តាល។ ក្នុងនោះលោកអគ្គលេខាបក្ស សង្កត់ធ្ងន់លើការផ្លាស់ប្តូរខ្លឹមសារអប់រំ និងវិធីសាស្រ្តអប់រំក្នុងទិសដៅទំនើប ជាក់ស្តែង បង្កើនចំណេះដឹង សមត្ថភាពរបស់អ្នកសិក្សា បង្កើនការអនុវត្ត និងអនុវត្តចំណេះដឹងទៅក្នុងការស្ថានភាពជាក់ស្តែង។ ទន្ទឹមនឹង ខិតខំបង្កើនចំណាត់ថ្នាក់អប់រំរបស់វៀតណាមនៅលើផែនទីអប់រំក្នុងតំបន់ និងអន្តរជាតិ។

បកប្រែដោយ Duy Hoan