សកម្មភាពរបស់លោក To Lam អគ្គលេខាបក្ស និងជាប្រធានរដ្ឋវៀតណាមនៅប្រទេសបារាំង

ដើម្បីរំលឹកដំណើររបស់លោកប្រធានហូជីមិញនៅប្រទេសបារាំង អាជ្ញាធរទីក្រុង Sainte-Adresse បានសម្រេចដាក់ស្លាកអនុស្សាវរីយ៍នៅក្នុងបរិវេណ  Masquelier ទីក្រុង Sainte-Adresse ទល់មុខផ្ទះដែលលោកអ៊ំ ហូ ធ្លាប់រស់នៅ ដែលឥឡូវនេះត្រូវបានប្រើជាកន្លែងរៀបចំសកម្មភាពសហគមន៍របស់ទីក្រុង។ ស្លាកអនុស្សាវរីយ៍ត្រូវបានចម្លាក់អក្សរជាភាសាបារាំង និងវៀតណាមដោយមានខ្លឹមសារថា៖ “ពីឆ្នាំ ១៩១១ ដល់ ឆ្នាំ ១៩១២ ប្រធានហូជីមិញបានរស់នៅ និងធ្វើការនៅទីក្រុង Sainte-Adresse នៅបរិវេណ Masquelier ក្នុងដំណើរដ៏វែងដើម្បីអនាគតរបស់ប្រទេសវៀតណាម "។

អគ្គលេខាបក្ស និងជាប្រធានរដ្ឋ To Lam ថ្លែងមតិក្នុងពិធីសម្ពោធដាក់ស្លាកអនុស្សាវរីយ៍លោកប្រធានហូជីមិញនៅទីក្រុង Sainte-Adresse (រូបថត៖ vnanet.vn)

ថ្លែងមតិក្នុងពិធីនេះ អគ្គលេខាបក្ស និងជាប្រធានរដ្ឋ To Lam បានវាយតម្លៃខ្ពស់ចំពោះការសម្រេចចិត្តរបស់អាជ្ញាធរទីក្រុង ដោយចាត់ទុកស្លាកអនុស្សាវរីយ៍ជាផ្នែកបេតិកភណ្ឌមួយដែលមិនអាចកាត់ផ្តាច់របស់ទីក្រុង។ ព្រមទាំងថ្លែងអំណរគុណចំពោះប្រជាជនបារាំងដែលតែងតែខិតខំប្រឹងប្រែងថែរក្សាកន្លែងប្រវត្តិសាស្ត្ររក្សាទុកសមិទ្ធផលរបស់លោកប្រធានហូជីមិញក្នុងដំណើរឆ្ពោះទៅរកការសង្គ្រោះជាតិ។

អគ្គលេខាបក្ស និងជាប្រធានរដ្ឋវៀតណាម បានសំដែងថា ឆ្លងកាត់ការឡើងចុះនៃប្រវត្តិសាស្ត្រ ទំនាក់ទំនងរវាងវៀតណាម និងបារាំងកាន់តែរឹងមាំ និងរីកចម្រើន។ យោងតាមលោកអគ្គលេខាបក្ស និងជាប្រធានរដ្ឋ ក្នុងរយៈពេលប៉ុន្មានឆ្នាំនៅប្រទេសបារាំងនៃដំណើរដំណើរឆ្ពោះទៅរកការសង្គ្រោះជាតិគឺជាឱកាសសម្រាប់លោកប្រធានហូជីមិញ ក៏ដូចជាប្រជាជាតិវៀតណាមទាំងមូលកាន់តែផ្សាភ្ជាប់កាន់តែជិតស្និទ្ធជាមួយប្រជាជនបារាំង។

អគ្គលេខាបក្ស និងជាប្រធានរដ្ឋ To Lam និងអភិបាលក្រុង Sainte-Adresse លោក Hubert Dejean de la Batie ក្នុងពិធីសម្ពោធដាក់ស្លាកអនុស្សាវរីយ៍លោកប្រធានហូជីមិញ (រូបថត៖ vnanet.vn)

លោក Hubert Dejean de la Batie អភិបាលក្រុង Sainte-Adresse ឲ្យដឹងថា ការដាក់ស្លាកអនុស្សាវរីយ៍ គឺជាការរក្សាទុកប្រវត្តិសាស្ត្រមិនត្រឹមតែរបស់វៀតណាមប៉ុណ្ណោះទេ ប៉ុន្តែថែមទាំងប្រទេសបារាំងទៀតផង។ ប្រការនេះរួមចំណែកបង្ហាញពីក្តីស្រលាញ់ មិត្តភាព និងសាមគ្គីភាពរបស់ប្រជាជនទីក្រុង Sainte-Adresse និយាយដោយឡែក និងប្រជាជនបារាំងចំពោះលោកប្រធានហូជីមិញ និងប្រជាជនវៀតណាមនិយាយរួម។

* នាព្រឹកថ្ងៃទី៦ ខែតុលា អគ្គលេខាបក្ស និងជាប្រធានរដ្ឋ To Lam និងគណៈប្រតិភូជាន់ខ្ពស់វៀតណាម បានអញ្ជើញមកដាក់កម្រងផ្កាគោរពវិញ្ញាណក្ខន្ធលោកប្រធានហូជីមិញនៅសួនឧទ្យាន Montreau ទីក្រុង Montreuil។ បន្ទាប់ពីដាក់កម្រងផ្កានៅរូបសំណាកលោកប្រធានាធិបតីហូជីមិញ និងស្មឹងស្មាធ៍គោរពវិញ្ញាក្ខន្ធលោកប្រធានាធិបតីហូជីមិញនៅសួនឧទ្យាន Montreau នោះ លោកអគ្គលេខាបក្ស និងជាប្រធានរដ្ឋ To Lam បានសំដែងការរំភើបចិត្ដយ៉ាងខ្លាំងចំពោះទង្វើល្អរបស់អាជ្ញាធរទីក្រុង Montreuil ក្នុងការរក្សាទុកឯកសារ និងវត្ថុអនុស្សាវរីយ៍ដ៏មានតម្លៃរបស់លោកប្រធានហូជីមិញ។ បន្ទាប់ពីដាំដើមឈើអនុស្សាវរីយ៍រួច លោកអគ្គលេខាបក្ស និងជាប្រធានរដ្ឋ To Lam និងគណៈប្រតិភូជាន់ខ្ពស់វៀតណាមបានអញ្ជើញទៅទស្សនាលំហអាកាសហូជីមិញនៅសារមន្ទីរប្រវត្តិសាស្ត្ររស់ក្នុងបរិវេណ ឧទ្យាន Montreau៕

បកប្រែដោយ Pham Diep