ពិធីលៀងសាយភោជន៍ក្នុងឱកាសអបអរសាទរខួបលើកទី ៧៥ នៃទិវាបុណ្យឯករាជ្យជាតិរបស់ប្រទេសចិន

ថ្លែងមតិក្នុងពិធី លោក He Wei ឯកអគ្គរដ្ឋទូតចិន បានសង្កត់ធ្ងន់ថា ចិនជានិច្ចកាលចាត់ទុកទំនាក់ទំនងជាមួយវៀតណាមជាទិសដៅអាទិភាពក្នុងគោលនយោបាយការបរទេសសម្រាប់ប្រទេសជិតខាង ហើយជាជម្រើសយុទ្ធសាស្ត្ររបស់ចិនដោយផ្អែកលើទំនាក់ទំនងយូរអង្វែងរវាងបក្សទាំងពីរនិងប្រទេសទាំងពីរ។

ប្រតិភូចូលរួមពិធីលៀងសាយភោជន៍ក្នុងឱកាសអបអរសាទរខួបលើកទី ៧៥ នៃទិវាបុណ្យឯករាជ្យជាតិរបស់ប្រទេសចិន

លោក He Wei បានសម្តែងនូវការត្រៀមខ្លួនជាស្រេចធ្វើការជាមួយភាគីវៀតណាមដើម្បីអនុវត្តយ៉ាងហ្មត់ចត់នូវទស្សនៈរួមជាន់ខ្ពស់ និងអនុវត្តតាមទិសដៅយុទ្ធសាស្ត្ររបស់ថ្នាក់ដឹកនាំជាន់ខ្ពស់នៃបក្សទាំងពីរ និងប្រទេសទាំងពីរស្ដីពីការពង្រឹងបន្ថែមទៀតនូវទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ និងជំរុញការកសាងសហគមន៍ចែករំលែកអនាគតវៀតណាម-ចិន។ លោក He Wei បានអះអាងថា ក្នុងអាណត្តិរបស់ខ្លួន លោកនឹងខិតខំពង្រីតតួនាទីតភ្ជាប់ សម្របសម្រួល និងជំរុញឲ្យក្រសួង ស្ថាប័ន មូលដ្ឋានរបស់ចិនសហការយ៉ាងជិតស្និទ្ធជាមួយភាគីវៀតណាម បន្តជំរុញកិច្ចសហប្រតិបត្តិការរវាងភាគីទាំងពីរឲ្យអភិវឌ្ឍកាន់តែស៊ីជម្រៅ៕

បកប្រែដោយ Thuy Anh