កិច្ចប្រជុំកំពូលខ្សែក្រវ៉ាត់ និងផ្លូវលើកទី៩

លោក Nguyen Hoa Binh ឧបនាយករដ្ឋមន្ត្រីប្រចាំការវៀតណាម ជាភ្ញៀវកិត្តិយសពិសេសនៃកិច្ចប្រជុំ បានថ្លែងសុន្ទរកថានៅសម័យបើក។ នៅក្នុងសុន្ទរកថា លោកឧបនាយករដ្ឋមន្ត្រី Nguyen Hoa Binh បានសង្កត់ធ្ងន់លើភាពចាំបាច់ក្នុងការធានានូវស្មារតីនៃកិច្ចសហប្រតិបត្តិការស្មើភាព បើកចំហ ផលប្រយោជន៍ទៅវិញទៅមក និងការអនុលោមតាមច្បាប់អន្តរជាតិក្នុងការអនុវត្តគំនិតផ្តួចផ្តើម និងតភ្ជាប់សេដ្ឋកិច្ចក្នុងតំបន់ និងពិភពលោក ដើម្បីរួមចំណែកដល់គោលដៅរួមនៃសន្តិភាព វិបុលភាព ការអភិវឌ្ឍប្រកបដោយនិរន្តរភាព និងបរិយាប័ន្ន និងនាំមកនូវជីវភាពសម្បូររុងរឿងដល់មនុស្សគ្រប់រូប។

កិច្ចប្រជុំកំពូលខ្សែក្រវ៉ាត់ និងផ្លូវលើកទី៩ នៅទីក្រុងហុងកុង (ចិន) (រូបថត៖ ក្រសួងការបរទេស)

លោកឧបនាយករដ្ឋមន្ត្រី Nguyen Hoa Binh បានអះអាងថា វៀតណាមជាខឿនសេដ្ឋកិច្ចបើកចំហ តែងតែប្រកាន់ខ្ជាប់នូវពហុភាគីនិយម គោរពច្បាប់អន្តរជាតិ គាំទ្រ និងចូលរួមយ៉ាងសកម្មក្នុងគំនិតផ្តួចផ្តើមកិច្ចសហប្រតិបត្តិការ និងតភ្ជាប់សេដ្ឋកិច្ចជាច្រើន រួមទាំងមានគំនិតផ្តួចផ្តើមខ្សែក្រវ៉ាត់ និងផ្លូវ។ ថ្នាក់ដឹកនាំជាន់ខ្ពស់វៀតណាម និងចិន បានឯកភាពជំរុញការតភ្ជាប់យុទ្ធសាស្ត្រអភិវឌ្ឍន៍របស់ប្រទេសទាំងពីរ អនុវត្តផែនការសហប្រតិបត្តិការតភ្ជាប់រវាងក្របខ័ណ្ឌនៃ “ច្រករបៀងពីរ ខ្សែក្រវ៉ាត់មួយ” និងគំនិតផ្តួចផ្តើម “ខ្សែក្រវ៉ាត់ និងផ្លូវ”។

លោកឧបនាយករដ្ឋមន្ត្រីអចិន្ត្រៃយ៍ Nguyen Hoa Binh ជាភ្ញៀវកិត្តិយសពិសេសនៃកិច្ចប្រជុំ ថ្លែងសុន្ទរកថានៅសម័យបើក (រូបថត៖ ក្រសួងការបរទេស)

លោកឧបនាយករដ្ឋមន្ត្រីអចិន្ត្រៃយ៍ Nguyen Hoa Binh បានលើកឡើងវិស័យអាទិភាពចំនួន ៥ ដែលហុងកុង (ចិន) អាចរួមចំណែកក្នុងការអនុវត្តកិច្ចព្រមព្រៀងរបស់ថ្នាក់ដឹកនាំជាន់ខ្ពស់នៃប្រទេសទាំងពីរ ក្នុងនោះមានការជំរុញកិច្ចសហប្រតិបត្តិការហិរញ្ញវត្ថុបន្ថែមទៀត; ជំរុញការតភ្ជាប់រវាងទីក្រុង និងការជួបប្រាស្រ័យរវាងប្រជាជននិងប្រជាជន បង្កើតលក្ខខណ្ឌអំណោយផលសម្រាប់ការតភ្ជាប់រវាងប្រជាជន និងធុរកិច្ចរបស់ភាគីទាំងពីរ និងជំរុញទេសចរណ៍ទាំងសងខាង៕

បកប្រែដោយ Thanh Cong