សកម្មភាពដ៏មានអត្ថន័យជាច្រើនរបស់ក្រុមបេសកកម្មលេខ ២១ ក្នុងដំណើរទស្សនកិច្ចទៅកាន់ស្រុកកោះ Truong Sa (ខេត្ត Khanh Hoa) និងស្ថានីយ៍ DK1

ក្រុមបេសកកម្មលេខ ២១ ដែលមានប្រតិភូជាង ២៧០ នាក់មកពីសមាគមសហគ្រាសធុនតូច និងមធ្យម ក្រសួងមហាផ្ទៃ គណៈកម្មាធិការបក្សខេត្ត Yen Bai ខេត្ត Tay Ninh ស្ថានប័នមជ្ឈិម និងតំបន់ សិល្បករ និងអ្នកយកព័ត៌មាន ទើបតែបញ្ចប់ដំណើរទស្សនកិច្ចផ្តល់អំណោយដល់កម្មាភិបាល និងប្រជាជនស្រុកកោះ Truong Sa (ខេត្ត Khanh Hoa) និងស្ថានីយ៍ DK1។

ក្រុមបេសកកម្មអញ្ជើញ​ទស្សនកិច្ចនៅកោះ An Bang (រូបថត៖ baohaiquanvietnam.vn)

ក្នុងរយៈពេលពីថ្ងៃទី ១៨ ដល់ថ្ងៃទី ២៤ ឧសភា នៅលើកោះ៖ Len Dao, Sinh Ton Dong, An Bang, Da Dong C, Da Tay B, Truong Sa និង DK1/9 (Ba Ke) ក្រុមបេសកកម្មបានស្វែងយល់អំពីជីវភាពរស់នៅប្រចាំថ្ងៃ  និងការបំពេញភារកិច្ចរបស់កម្មាភិបាល យុទ្ធជន ប្រជាជននៅលើកោះ។ ក្នុងដំណើរទៅកាន់ Truong Sa និងស្ថានីយ៍ DK1 ក្រុមបេសកកម្មបានរៀបចំសកម្មភាពជាច្រើនដូចជា៖ កម្មវិធីសិល្បៈដើម្បីអបអរសាទរខួបលើកទី ១៣៤ ថ្ងៃកំណើតលោកប្រធានហូជីមិញ (ថ្ងៃទី ១៩ ឧសភា ឆ្នាំ ១៨៩០ - ថ្ងៃទី ១៩ ឧសភា ឆ្នាំ ២០២៤) និងរៀបចំពិធីរំលឹកវិញ្ញាណក្ខន្ធវីរជន និងយុទ្ធជនពលីដែលបានពលីជីវិតដើម្បីអធិបតេយ្យភាពសមុទ្រ និងកោះនៅកោះ Len Dao។

គណៈប្រតិភូថតរូបអនុស្សាវរីយ៍នៅឯបង្គោលអធិបតេយ្យភាពនៅលើកោះ Truong Sa (រូបថត៖ baohaiquanvietnam.vn)

ក្នុងឱកាសនេះ បញ្ជាការដ្ឋានកងទ័ពជើងទឹក បណ្តាស្ថាប័នមជ្ឈិម និងមូលដ្ឋាន នៃក្រុមបេសកកម្មលេខ ២១ ឆ្នាំ ២០២៤ បានប្រគល់ជូនកម្មាភិបាល យុទ្ធជន និងប្រជាជនស្រុក Truong Sa និងស្ថានីយ៍ DK1 នូវអំណោយជាក់ស្តែង និងមានអត្ថន័យជាច្រើន ដែលមានតម្លៃសរុបជាង ៣ ពាន់លានដុង៕

បកប្រែដោយ Duy Hoan