លោក Pham Minh Chinh នាយករដ្ឋមន្ត្រី អញ្ជើញទៅដល់ទីក្រុងតូក្យូ ចាប់ផ្តើម​បំពេញ​ដំណើរទស្សនកិច្ចចូលរួមកិច្ចប្រជុំកំពូលរំលឹកខួបលើកទី ៥០ ឆ្នាំនៃទំនាក់ទំនងអាស៊ាន-ជប៉ុន

តាមផែនការ ក្នុងដំណើរទស្សនកិច្ចក្រៅពីការចូលរួមកិច្ចប្រជុំរំលឹកខួបលើកទី ៥០ នៃទំនាក់ទំនងអាស៊ាន-ជប៉ុន លោក Pham Minh Chinh នាយករដ្ឋមន្ត្រី នឹងអញ្ជើញចូលរួមកិច្ចប្រជុំកំពូលនៃសហគមន៍បំភាយឧស្ម័នសូន្យអាស៊ីការ (AZEC) ដែលដឹកនាំដោយនាយករដ្ឋមន្ត្រីជប៉ុន។ ក្នុងឱកាសនេះ លោក Pham Minh Chinh ក៏មានជំនួបពិភាក្សាទ្វេភាគីជាមួយថ្នាក់ដឹកនាំនៃប្រទេស អង្គការអន្តរជាតិនានាដែលចូលរួមកិច្ចប្រជុំ។ លើសពីនេះ លោក Pham Minh Chinh នឹងមានជំនួបពិភាក្សាជាមួយថ្នាក់ដឹកនាំជាន់ខ្ពស់ជប៉ុន ទស្សនាតំបន់នានារបស់ជប៉ុន និងជួបធ្វើការជាមួយសម្ព័ន្ធក្រុមហ៊ុនសេដ្ឋកិច្ចរបស់ជប៉ុន។

លោក Pham Minh Chinh អញ្ជើញទៅដល់ទីក្រុងតូក្យូ (រូបថត៖ vnanet.vn)

ដំណើរទស្សនកិច្ចរបស់លោក Pham Minh Chinh បន្តអនុវត្តគោលមាគ៌ាកិច្ចការបរទេសឯករាជ្យ ម្ចាស់ការ ធ្វើពិពិធកម្ម ពហុភាគីភាវូបនីយកម្ម ជាមិត្តល្អ ជាដៃគូដែលជឿទុកចិត្ត ហើយជាសមាជិកប្រកបដោយមានការទទួលខុសត្រូវរបស់សហគមន៍អន្តរជាតិ ព្រមទាងអះអាងពីតួនាទី ទំនួលខុសត្រូវ និងការរួមវិភាគទានទៅក្នុងការកសាងសហគមន៍អាស៊ានសន្តិភាព វិបុលភាព និងទំនាក់ទំនងអាស៊ាន-ជប៉ុនកាន់តែស៊ីជម្រៅ ជាក់ស្តែង និងប្រកបដោយមានប្រសិទ្ធភាព។ ទន្ទឹមនឹងនោះ ដំណើរទស្សនកិច្ចក៏បានបញ្ជូនសារអំពីប្រទេសវៀតណាមស្រឡាញ់សន្តិភាព ស្មោះស្ម័គ្រ ជឿទុកចិត្ត ហើយត្រៀមខ្លួនជាស្រេចពង្រឹងទំនាក់ទំនងមិត្តភាព កិច្ចសន្ទនា និងកិច្ចសហប្រតិបត្តិការ ដើម្បីផលប្រយោជន៍ដូចគ្នា កសាងបរិយាកាសក្នុងតំបន់ និងអន្តរជាតិប្រកបដោយសន្តិភាព និងស្ថិរភាពជាមួយប្រទេសនានា៕

តាម vovworld.vn