ចូលរួមសន្និសីទនេះមានអ្នកនិពន្ធ និងកវីចំនួន ៣០០នាក់ ដែលភាគច្រើនមានអាយុលើសពី ៧០ ឆ្នាំ រួមទាំងអ្នកនិពន្ធជាច្រើនដែលទទួលបានរង្វាន់ហូជីមិញ រង្វាន់រដ្ឋអំពីអក្សរសាស្ត្រនិងសិល្បៈ និងពានរង្វាន់របស់សមាគមអ្នកនិពន្ធប្រចាំឆ្នាំ រួមទាំងរង្វាន់ដ៏មានកិត្យានុភាពមួយចំនួនផ្សេងទៀត ក៏ដូចជាលើកតម្កើងសមាជិកដែលរួមចំណែកក្នុងការអភិវឌ្ឍអក្សរសិល្ប៍ និងសមាគមអ្នកនិពន្ធ។
ថ្លែងមតិក្នុងសន្និសីទ លោក Vo Van Thuong បានអះអាងថា វប្បធម៌គឺជាការរសរានរបស់ប្រជាជាតិមួយ។ បើគ្មានវប្បធម៌ មនុស្សគ្រប់រូប និងគ្រប់ជាតិសាសន៍ គ្រប់ទីកន្លែង គ្រប់សម័យកាល មិនអាចស្វែងរកគោលបំណង និងតម្លៃនៃជីវិតពិតរបស់ខ្លួនបានទេ។ ជាពិសេស អក្សរសិល្ប៍គឺជាផ្នែកមួយដ៏សំខាន់បំផុតដែលបង្កើតភាពស្រស់ស្អាតនៃវប្បធម៌វៀតណាម ផ្សព្វផ្សាយភាពស្រស់ស្អាតនោះក្នុងជីវភាពរស់នៅប្រចាំថ្ងៃ សេចក្តីស្នេហាជាតិ និងទំនួលខុសត្រូវរបស់ជនជាតិវៀតណាមម្នាក់ៗចំពោះមាតុភូមិរបស់ខ្លួន។
លោកប្រធានរដ្ឋ បានសង្កត់ធ្ងន់ថា៖ “បេសកកម្ម និងការទទួលខុសត្រូវរបស់អ្នកនិពន្ធវៀតណាមនៅពេលនេះគឺកាន់តែធំធេង និងមានតម្រូវខ្ពស់ជាងទៀត។ អ្នកនិពន្ធវៀតណាមតែងតែជាអ្នកត្រួសត្រាយផ្លូវក្នុងការប្រយុទ្ធប្រឆាំងនឹងអំពើអាក្រក់ និងការពារសេចក្តីថ្លៃថ្នូររបស់មនុស្ សតាមរយៈអក្សរសិល្ប៍”៕
តាម vovworld.vn
Type the code from the image