របាយការណ៍ស្ដីពីសិទ្ធិមនុស្សរបស់សហរដ្ឋអាមេរិកវាយតម្លៃដោយខ្វះលក្ខណៈសត្យានុម័តអំពីស្ថានភាពជាក់ស្តែងនៅវៀតណាម

លោកស្រី Pham Thu Hang អ្នកនាំពាក្យរងក្រសួងការបរទេសវៀតណាម

“ការការពារ និងលើកកំពស់សិទ្ធិមនុស្ស គឺជាគោលនយោបាយឥតងាករេរបស់វៀតណាម។ វៀតណាមជានិច្ចកាលប្រកាន់យកប្រជាជនជាមជ្ឈភាព ជាកម្លាំងចលករនៃដំណើរការផ្លាស់ប្តូរថ្មី និងអភិវឌ្ឍន៍ប្រទេស ហើយតែងតែខិតខំដើម្បីគោលដៅធ្វើឲ្យប្រសើរឡើងនូវជីវភាពរស់នៅ សិទ្ធិទទួលបានគុណប្រយោជន៍របស់ប្រជាជន និងគ្មាននរណាម្នាក់ត្រូវបានបំភ្លេចចោលទេ។ សិទ្ធិ និងសេរីភាពជាមូលដ្ឋានរបស់មនុស្សមានចែងក្នុងរដ្ឋធម្មនុញ្ញវៀតណាម ហើយត្រូវបានការពារ និងលើកកម្ពស់ដោយឯកសារច្បាប់ជាក់លាក់ និងអនុវត្តក្នុងស្ថានភាពជាក់ស្តែង។

វៀតណាមមានការសោកស្តាយចំពោះរបាយការណ៍ស្ដីពីសិទ្ធិមនុស្សប្រចាំឆ្នាំ ២០២២ របស់ក្រសួងការបរទេសសហរដ្ឋអាមេរិកដែលមានខ្លឹមសារខ្វះលក្ខណៈសត្យានុម័តមួយចំនួនដោយផ្អែកលើព័ត៌មានមិនពិតអំពីស្ថានភាពជាក់ស្តែងនៅវៀតណាម។ វៀតណាមត្រៀមខ្លួនជាស្រេចក្នុងការពិភាក្សាដោយស្មោះត្រង់ បើកចំហ និងស្ថាបនាជាមួយសហរដ្ឋអាមេរិកអំពីបញ្ហានៃភាពខុសគ្នា ដើម្បីបង្កើនការយល់ដឹង និងរួមចំណែកក្នុងការអភិវឌ្ឍទំនាក់ទំនងភាពជាដៃគូលើគ្រប់ជ្រុងជ្រោយរវាងវៀតណាម និងសហរដ្ឋអាមេរិក”៕

បកប្រែដោយ Thuy Anh