លោក Luong Cuong ប្រធានរដ្ឋវៀតណាម ទទួលជួបបណ្ដាឯកអគ្គរដ្ឋទូតមកជូនសារតាំង

ក្នុងជំនួបជាមួយលោកស្រី ទូច សុផារត្ន ឯកអគ្គរាជទូតកម្ពុជា លោក Luong Cuong ប្រធានរដ្ឋ បានសម្តែងទំនុកចិត្តថា ជាមួយនឹងបទពិសោធន៍ការទូតរបស់ខ្លួន លោកស្រីឯកអគ្គរាជទូតនឹងមានការរួមចំណែកជាវិជ្ជមានជាច្រើនក្នុងការជំរុញទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និរន្តរភាពយូរអង្វែងរវាងប្រទេសទាំងពីរ។

លោក Luong Cuong ប្រធានរដ្ឋវៀតណាម ទទួលជួបលោកស្រី ទូច សុផារត្ន ឯកអគ្គរាជទូតកម្ពុជា

ក្នុងជំនួបជាមួយលោក Thammer Mohammed Al Gosaibi ឯកអគ្គរាជទូតអារ៉ាប៊ីសាអូឌីត លោក Luong Cuong ប្រធានរដ្ឋ បានអះអាងថា វៀតណាមវាយតម្លៃខ្ពស់ចំពោះតួនាទី និងកិត្យានុភាពរបស់អារ៉ាប៊ីសាអូឌីតនៅក្នុងតំបន់ ជាពិសេសនៅក្នុងពិភពអារ៉ាប់និងឥស្លាម។ លោកប្រធានរដ្ឋបានសម្ដែងនូវបំណង និងជំនឿជាក់ថា សន្តិភាព និងស្ថិរភាពនឹងត្រូវបានស្តារឡើងវិញក្នុងពេលឆាប់ៗនេះនៅក្នុងប្រទេសអារ៉ាប៊ីសាអូឌីត និងតំបន់មជ្ឈិមបូព៌ា។

លោក Luong Cuong ប្រធានរដ្ឋវៀតណាម ទទួលជួបលោក Thammer Mohammed Al Gosaibi ឯកអគ្គរាជទូតអារ៉ាប៊ីសាអូឌីត

ដោយអបអរសាទរលោក Jean-Francois Harvey ដែលត្រូវបានតែងតាំងជាឯកអគ្គរដ្ឋទូតដំបូងគេរបស់ដូមីនីកាប្រចាំនៅវៀតណាម លោក Luong Cuong ប្រធានរដ្ឋ មានបំណងថាលោកឯកអគ្គរដ្ឋទូតសម្របសម្រួលយ៉ាងជិតស្និទ្ធជាមួយភាគីវៀតណាម ក្នុងការពង្រឹងទំនាក់ទំនងទ្វេភាគីបន្ថែមទៀត ជាពិសេសក្នុងការជំរុញទំហំពាណិជ្ជកម្មទ្វេភាគី ព្រមទាំងអំពាវនាវដូមីនីកាជួយគាំទ្រវៀតណាមក្នុងការពង្រឹងទំនាក់ទំនងជាមួយសហគមន៍បណ្ដាប្រទេសការ៉ាប៊ីន (CARICOM) ផងដែរ។

លោក Luong Cuong ប្រធានរដ្ឋវៀតណាម ទទួលជួបលោក Jean-Francois Harvey ឯកអគ្គរដ្ឋទូតដូមីនីកា

បណ្ដាឯកអគ្គរដ្ឋទូតបានអបអរសាទរវៀតណាមចំពោះជោគជ័យនៃការបោះឆ្នោតជ្រើសតាំងសមាជិករដ្ឋសភានីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ២០២៦-២០៣១ នៅថ្ងៃទី១៥ ខែមីនាកន្លងទៅ ក៏ដូចជាសមិទ្ធផលសេដ្ឋកិច្ចដែលគូសបញ្ជាក់ដោយអត្រាកំណើនជាង ៨% ក្នុងឆ្នាំ២០២៥ និងឆ្ពោះទៅរកគោលដៅកំណើនពីរខ្ទង់នៅក្នុងប៉ុន្មានឆ្នាំខាងមុខ៕

បកប្រែដោយ Huyen Trang