ការគោរព ការពារ និងលើកស្ទួយសិទ្ធិមនុស្សគឺជាគោលនយោបាយឥតងាករេរបស់វៀតណាម

អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang (រូប​ថត៖ baoquocte.vn)

ក្នុងរយៈពេលប៉ុន្មានឆ្នាំកន្លងមកនេះ វៀតណាមបានខិតខំបំពេញបន្ថែមនូវប្រព័ន្ធច្បាប់ស្តីពីសិទ្ធិមនុស្ស ហើយចូលរួមក្នុងសន្ធិសញ្ញាអន្តរជាតិនានា ព្រមទាំងជំរុញការអភិវឌ្ឍសេដ្ឋកិច្ចដោយដើរទន្ទឹមនឹងការធានាយុត្តិធម៌សង្គម និងលើកកំពស់ជីវភាពរស់នៅរបស់ប្រជាជន។ ការខំប្រឹងប្រែងរបស់វៀតណាមបាននាំមកនូវសមិទ្ធិផលសំខាន់ៗដែលទទួលបានការវាយតម្លៃខ្ពស់ពីសហគមន៍អន្តរជាតិ។ វៀតណាមបានកត់សំគាល់ចំពោះការដែលរបាយការណ៍ស្តីពីសិទ្ធិមនុស្សប្រចាំឆ្នាំរបស់ក្រសួងការបរទេសសហរដ្ឋអាមេរិកដែលបានលើកឡើងនូវវឌ្ឍនភារបស់វៀតណាមក្នុងវិស័យការពារសិទ្ធិមនុស្ស។ ទន្ទឹមនឹងនោះរបាយការណ៍នេះនៅតែមានខ្លឹមសារមួយចំនួនមិនស្របតាមការពិតដោយផ្អែកលើព័ត៌មានដែលមិនបានត្រួតពិនិត្យ​ជាក់​ស្តែងនៅវៀតណាម។ វៀតណាមមានឆន្ទៈពិភាក្សាជាមួយសហរដ្ឋអាមេរិកលើបញ្ហានានាដែលភាគីទាំងពីរមានការយកចិត្តទុកដាក់ដូចគ្នាតាមរយៈក្របខ័ណ្ឌនៃកិច្ចសន្ទនាស្តីពីសិទ្ធិមនុស្សជាប្រចាំឆ្នាំដើម្បីបង្កើនការយល់ដឹងគ្នាក្នុងស្មារតីស្មោះត្រង់ បើកចំហរ និងការគោរពគ្នាទៅវិញទៅមក ដែលរួមចំណែកក្នុងការលើកកម្ពស់ទំនាក់ទំនងភាពជាដៃគូលើគ្រប់ជ្រុងជ្រោយរវាងប្រទេសទាំងពីរ”៕

បកប្រែដោយ Duy Hoan