លោកស្រីប្រធានរដ្ឋសភា Nguyen Thi Kim Ngan បំពេញទស្សនកិច្ចជាផ្លូវការនៅអូស្ត្រាលី

នាថ្ងៃត្រង់ ថ្ងៃដដែល ពិធីទទួលជាផ្លូវការលោកស្រីប្រធានរដ្ឋសភា Nguyen Thi Kim Ngan បានរៀបចំយ៉ាងមហោឡារឹកនៅរដ្ឋធានី Canberra ក្រោមសហអធិបតីភាពរបស់លោក Tony Smith ប្រធានរដ្ឋសភាអូស្ត្រាលី និងលោក Scott Ryan ប្រធានព្រឹទ្ធសភាអូស្ត្រាលី។

លោក Tony Smith ប្រធានរដ្ឋសភា និងលោក Scott Ryan ប្រធានព្រឹទ្ធសភាអូស្ត្រាលីទទួលលោកស្រីប្រធានរដ្ឋសភា Nguyen Thi Kim Ngan

បន្ទាប់ពីពិធីទទួលស្វាគមន៍មក លោក Tony Smith និងលោក Scott Ryan បានពិភាក្សាជាមួយលោកស្រី Nguyen Thi Kim Ngan។ នៅក្នុងកិច្ចពិភាក្សា ភាគីទាំងពីរបានសម្ដែងនូវសេចក្តីរីករាយ ចំពោះទំនាក់ទំនងទ្វេភាគី ដោយបានអភិវឌ្ឍយ៉ាងខ្លាំងក្លាលើវិស័យជាច្រើន ព្រមទាំងភាគីវៀតណាមគាំទ្រការពង្រីកទំនាក់ទំនងរវាងប្រទេសទាំងពីរឲ្យឡើងកំរិតជាដៃគូយុទ្ធសាស្រ្តនាពេលឆាប់ៗខាងមុខ។

លោកស្រីប្រធានរដ្ឋសភាវៀតណាមស្នើឲ្យភាគីទាំងពីរគួរតែសហការយ៉ាងជិតស្និទ្ធដើម្បីបញ្ជាក់ច្បាស់នូវខ្លឹមសារនៃយន្តការ “ភាពជាដៃគូសេដ្ឋកិច្ច” ដោយផ្អែកលើមូលដ្ឋានកសាងផែនការសហប្រតិបត្តិការជាក់ស្ដែងក្នុងរយៈពេលមធ្យមពី ៣ ឆ្នាំដល់៥ ឆ្នាំ ជាពិសេសលើវិស័យវិនិយោគ ពាណិជ្ជកម្ម និងផ្ដល់ ODA។ វៀតណាមចង់ឲ្យបានបណ្ដាសហគ្រាសអូស្ត្រាលីជម្រុញការវិនិយោគ និងសហប្រតិបត្តិការជាមួយវៀតណាម។ លោកស្រី Nguyen Thi Kim Ngan ស្នើឲ្យភាគីទាំងពីរបន្តពិគ្រោះយោបល់ដើម្បីគាំទ្រគ្នាទៅវិញទៅមកនៅវេទិកាតំបន់ ជាពិសេសសហប្រតិបត្តិការនៅសន្និសីទរដ្ឋមន្រ្តីក្រសួងការពារជាតិនៃបណ្ដាប្រទេស ASEAN បើកទូលាយ (ADMM+)។

ភាគីអូស្ត្រាលីវាយតំលៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរលើវិស័យអប់រំ និងបណ្ដុះបណ្ដាល។ លោក Tony Smith ថ្លែងច្បាស់ថា អស់ជាច្រើនទសវត្សរ៍កន្លងមក អូស្ត្រាលីបានក្លាយទៅជាមាតុភូមិទី២ របស់ជនជាតិវៀតណាមប្រមាណ ៣ សែននាក់ដែលកំពុងរស់នៅ និងធ្វើការនៅអូស្ត្រាលី។

ទិដ្ឋភាពនៃកិច្ចពិភាក្សា

នាល្ងាច ថ្ងៃទី២៩ ខែវិច្ឆិកា (តាមម៉ោងអូស្ត្រាលី) លោកស្រី Nguyen Thi Kim Ngan និងគណៈប្រតិភូជាន់ខ្ពស់រដ្ឋសភាវៀតណាមបានជួបសំណេះសំណាលជាមួយកម្មាភិបាល បុគ្គលិកនៃស្ថានទូតវៀតណាមប្រចាំនៅអូស្ត្រាលី និងតំណាងសហគមន៍វៀតណាមនៅអូស្ត្រាលី៕