ខេត្ត Kien Giang ទទួលអដ្ឋិធាតុកងទ័ពស្ម័គ្រចិត្តវៀតណាម ១០ អដ្ឋិធាតុ ដែលពលីជីវិតនៅកម្ពុជា
កប.អនឡាញ - នាពេលថ្មីៗនេះ គណៈកម្មការជំនាញខេត្ត Kien Giang បានសហការជាមួយគណៈកម្មការជំនាញខេត្តកោះកុង រៀបចំពិធីប្រគល់ ទទួល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញការវៀតណាម ដែលពលីជីវិតកាលពីសម័យសង្គ្រាមនៅកម្ពុជា។
ក្នុងពិធីនេះ លោក Nguyen Luu Trung អនុប្រធានគណៈកម្មការប្រជាជនខេត្ត ប្រធានគណៈកម្មការជំនាញខេត្ត Kien Giang និងលោក សំឃិត វៀន អភិបាលស្តីទីខេត្តកោះកុង ប្រធានគណៈកម្មការជំនាញខេត្តកោះកុង បានចុះហត្ថលេខាលើកំណត់ហេតុប្រគល់ ទទួល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្តវៀតណាមចំនួន ១០ អដ្ឋិធាតុ ដែលពលីជីវិតកាលពីសម័យសង្គ្រាមនៅកម្ពុជាដែលរុករកក្នុងរដូវប្រាំងឆ្នាំ២០២៣ - ២០២៤ នៅខេត្តកោះកុង។
|
|
ភាគីទាំងពីរចុះហត្ថលេខាលើកំណត់ហេតុប្រគល់ ទទួល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញការវៀតណាម (រូបថត៖ vnanet.vn) |
លោកវរសេនីយ៍ឯកបំរុង Nguyen Thanh Hung ប្រធានក្រុម K៩២ Kien Giang បានចែករំលែកថា ក្នុងដំណើរការបំពេញភារកិច្ច កម្មាភិបាលនិងយុទ្ធជននៃក្រុម K៩២ បានខិតខំប្រឹងប្រែង និងប្តេជ្ញាចិត្ត ហើយទទួលបានការជួយគាំទ្រពីអាជ្ញាធរ កងកម្លាំងប្រដាប់អាវុធ និងប្រជាជនខេត្តកោះកុង ដែលបានបង្កើតលក្ខខណ្ឌអំណោយផលសម្រាប់ក្រុម K៩២ ក្នុងការស្វែងរក និងប្រមូលនៅទីតាំងដែលកងទ័ពស្ម័គ្រចិត្ត និងអ្នកជំនាញវៀតណាមប្រយុទ្ធកាលពីមុន។
ក្នុងពិធីនេះ លោក សំឃិត វៀន បានវាយតម្លៃខ្ពស់ចំពោះកិច្ចសហការរបស់គណៈកម្មការជំនាញនៃខេត្តកោះកុង និងខេត្ត Kien Giang។ ទន្ទឹមនឹងនោះ លោកបានបញ្ជាក់ថា នឹងសហប្រតិបត្តិការ ជួយគាំទ្រ ពិនិត្យ ស្វែងរកនិងផ្ដល់ព័ត៌មានតាមរយៈអាជ្ញាធរមូលដ្ឋាន កងកម្លាំងប្រដាប់អាវុធនិងប្រជាជន ដើម្បីអនុវត្តប្រកបដោយជោគជ័យនូវការស្វែងរក ប្រមូលផ្ដុំ ធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតកាលពីសម័យសង្គ្រាមនៅខេត្តកោះកុង ប្រទេសកម្ពុជា៕
បកប្រែដោយ Thuy Anh