អនុវត្តតាមផែនការនារដូវប្រាំងឆ្នាំ ២០២២-២០២៣ អំពីការស្វែងរក និងប្រមូលអដ្ឋិធាតុយុទ្ធជនពលីនៅខេត្ត Kham Muon (ឡាវ)  បន្ទាប់ពីរយៈពេលជាង ៧ ខែនៃការអនុវត្តភារកិច្ច ក្រុមលេខ ៥៨៩ បញ្ជាការដ្ឋានយោធាខេត្ត Quang Binh បានខិត​ខំប្រឹងប្រែងជម្នះរាល់ការលំបាក បញ្ជាក់ព័ត៌មាន និងរៀបចំការស្វែងរក ហើយបានរកឃើញ និងប្រមូលអដ្ឋិធាតុយុទ្ធជនពលីចំនួន ១៩ នាក់ និងវត្ថុជាច្រើន។

leftcenterrightdel
គណៈប្រតិភូគណៈកម្មការដឹកនាំលេខ ៥១៥ នៃយោធភូមិភាគទី ៤ អុជធូបគោរពវិញ្ញាណក្ខន្ធយុទ្ធជនពលី

អញ្ជើញថ្លែងក្នុងពិធី លោក Ho An Phong អនុប្រធានគណៈកម្មាធិការប្រជាជនខេត្ត Quang Binh ប្រធានគណៈកម្មការដឹកនាំលេខ ៥១៥ បានថ្លែងអំណរគុណយ៉ាងជ្រាលជ្រៅចំពោះបក្ស រដ្ឋ និងប្រជាជនឡាវ; ខេត្ត Kham Muon បានយកចិត្តទុកដាក់ និងដឹកនាំស្ថាប័ន អង្គភាពមហាជន កងកម្លាំងប្រដាប់អាវុធ និងប្រជាជនខេត្ត Kham Muon សហការ និងជួយបង្កលក្ខណៈងាយស្រួលគ្រប់បែបយ៉ាងដល់ក្រុមលេខ ៥៨៩ បំពេញភារកិច្ចដែលបានប្រគល់ជូន។

leftcenterrightdel
 
leftcenterrightdel
គណៈប្រតិភូបានបញ្ជូនអដ្ឋិធាតុទៅកាន់កន្លែងបញ្ចុះសព

* នាព្រឹកថ្ងៃទី ១៧ ឧសភា នៅច្រកទ្វារព្រំដែនអន្តរជាតិ Lao Bao និង Den Sa San ខេត្តចំនួនពីរគឺ Quang Tri (វៀតណាម) និងខេត្ដ Savannakhet សាធារណៈរដ្ឋប្រជាធិបតេយ្យប្រជាមានិតឡាវបានប្រារព្ធពិធីប្រគល់ និងទទួលអដ្ឋិធាតុកងទ័ពស្ម័គ្រចិត្តនិងអ្នកជំនាញការវៀតណាមចំនួន ៩ នាក់ ដែលបានពលីជីវិតនៅប្រទេសឡាវដែលត្រូវបានស្វែងរក និងប្រមូលផ្តុំដោយក្រុមលេខ ៥៨៤ បញ្ជាការដ្ឋានយោធាខេត្ដ Quang Tri ក្នុងរដូវប្រាំង ២០២២ - ២០២៣។

leftcenterrightdel
ពិធីប្រគល់និងទទួលអដ្ឋិធាតុរបស់កងទ័ពស្ម័គ្រចិត្ត និងអ្នកជំនាញការវៀតណាមដែលបានពលីជីវិតនៅប្រទេសឡាវ ត្រូវបានរៀបចំឡើងយ៉ាងឱឡារិកដោយខេត្តទាំងពីរគឺខេត្ដ Quang Tri និងខេត្ដ Savannakhet
leftcenterrightdel
ពិធីជូនដំណើរអដ្ឋិធាតុកងទ័ពស្ម័គ្រចិត្តវៀតណាម និងអ្នកជំនាញការវៀតណាមចំនួន ១៦ នាក់ ដែលបានពលីជីវិតកាលពីសម័យសង្គ្រាមនៅខេត្ត Salavan

នាព្រឹកថ្ងៃដដែល នៅខេត្ត Salavan សាធារណរដ្ឋប្រជាធិបតេយ្យប្រជាមានិតឡាវ គណៈកម្មាធិការបក្ស អាជ្ញាធរ កងកម្លាំងប្រដាប់អាវុធ និងប្រជាជនក្នុងតំបន់បានប្រារព្ធពិធីដង្ហែអដ្ឋិធាតុកងទ័ពស្ម័គ្រចិត្ដនិងអ្នកជំនាញការវៀតណាមចំនួន ១៦ នាក់ យ៉ាងឱឡារិកដែលពលីជីវិតកាលពីសម័យសង្គ្រាមនៅឡាវដែលត្រូវបានស្វែងរក និងប្រមូលផ្តុំដោយក្រុមលេខ ១៩២ នៃបញ្ជាការដ្ឋានយោធាខេត្ត Thua Thien Hue បន្ទាប់ពីរុករកនៅខេត្ត Salavan អស់រយៈពេលជាង ៧ ខែ៕

បកប្រែដោយ Pham Diep