ចេញដំណើរទៅស្វែងរកអដ្ឋិធាតុយុទ្ធជនវៀតណាមដែលពលីជីវិតនៅកម្ពុជា
កប.អនឡាញ - នាព្រឹកថ្ងៃទី២១ ខែកុម្ភៈ នៅបណ្ដាច្រកទ្វារព្រំដែនអន្តរជាតិរបស់ខេត្ត Tay Ninh ខេត្ត Binh Phuoc ខេត្ត Long An គណៈកម្មការដឹកនាំលេខ៥១៥ របស់បញ្ជាការដ្ឋានយោធភូមិភាគទី៧ និងគណៈកម្មការដឹកនាំលេខ ៥១៥ របស់មូលដ្ឋាននានា បានរៀបចំពិធីចេញដំណើរសម្រាប់ក្រុមទទួលបន្ទុកស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុនៃយុទ្ធជនវៀតណាមដែលពលីជីវិតក្នុងសម័យសង្រ្គាម (ក្រុម K៧០ ក្រុម K៧១ ក្រុម K៧២ ក្រុម K៧៣)។
ក្នុងដំណើរនេះ កម្មាភិបាលនិងយុទ្ធជននៃក្រុមទាំង ៤ របស់យោធភូមិភាគទី៧ នឹងស្វែងរក និងប្រមូលអដ្ឋិធាតុ នៃកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតនៅខេត្តសៀមរាប ខេត្តបន្ទាយមានជ័យ ខេត្តឧត្តរមានជ័យ ខេត្តកំពង់ធំ ខេត្តកំពង់ចាម ខេត្តក្រចេះ ខេត្តស្វាយរៀង ខេត្តបាត់ដំបង និងខេត្តប៉ៃលិន។
បន្ទាប់ពីរយៈពេលជាង ២០ ឆ្នាំបំពេញភារកិច្ច ក្រុមទទួលបន្ទុកស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុនៃយុទ្ធជនដែលពលីជីវិត របស់យោធភូមិភាគទី៧ បានស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុនៃកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតនៅកម្ពុជា ចំនួន ៩,៩៤២ អដ្ឋិធាតុ៕
បកប្រែដោយ Thuy Anh