ក្រុម K៧៣ ប្រមូលអដ្ឋិធាតុយុទ្ធជនពលីចំនួន ១២២ អដ្ឋិធាតុក្នុងដំណាក់កាលលើកទី២២ (រដូវប្រាំង ២០២២-២០២៣)

លោកឧត្តមសេនីយ៍ត្រី Tran Vinh Ngoc អនុប្រធាននយោបាយ យោធភូមិភាគទី៧ ប្រធានគណៈកម្មការដឹកនាំលេខ៥១៥ យោធភូមិភាគីទី៧ បានអញ្ជើញចូលរួមក្នុងពិធីនេះ។

ក្នុងដំណាក់កាលលើកទី២២ (រដូវប្រាំងឆ្នាំ ២០២២-២០២៣) ចំនួនអដ្ឋិធាតុកងទ័ពស្ម័គ្រចិត្តវៀតណាម ដែលត្រូវបានធ្វើមាតុភូមិនិវត្តន៍គឺ ១២២ អដ្ឋិធាតុ។ បន្ទាប់ពីដំណាក់កាលប្រមូលអដ្ឋិធាតុយុទ្ធជនពលីលើកទី២២ ពីឆ្នាំ២០០១ ដល់បច្ចុប្បន្ន ក្រុម K៧៣ បញ្ជាការដ្ឋានយោធាខេត្ត Long An ប្រមូលបានអដ្ឋិធាតុយុទ្ធជនពលីចំនួន ២,៣៧៣  អដ្ឋិធាតុ និងផ្នូរចំនួន ៦ (ដែលមានប្រហែល ២៨០ អដ្ឋិធាតុ)។

លោកឧត្តមសេនីយ៍ត្រី Tran Vinh Ngoc ប្រគល់អំណោយដល់ក្រុមសហការខេត្តប៉ៃលិន និងខេត្តស្វាយរៀង និងអបអរសាទរក្រុម K៧៣ ដែលសម្រេចបេសកកម្មដោយជោគជ័យ

ថ្លែងមតិនៅពិធីនេះ លោកវរសេនីយ៍ឯក Nguyen Minh Tan អនុប្រធាននយោបាយ បញ្ជាការដ្ឋានយោធាខេត្ត Long An បានអបអរសាទរចំពោះក្រុម K៧៣ បានសម្រេចភារកិច្ចដោយជោគជ័យ។ នោះហើយជាលទ្ធផលនៃស្មារតីសាមគ្គីភាព និងជាប្រសិទ្ធភាពនៃការអប់រំអំពីនយោបាយ និងយល់ជ្រួតជ្រាបភារកិច្ច ការខិតខំជំនះរាល់ការលំបាក ដើម្បីបំពេញភារកិច្ចដោយជោគជ័យរបស់ក្រុមការងារ K៧៣។

ក្នុងឱកាសនេះ គណៈកម្មការដឹកនាំលេខ៥១៥ យោធភូមិភាគទី៧ និងគណៈកម្មការដឹកនាំលេខ៥១៥ ខេត្ត Long An បានប្រគល់អំណោយដើម្បីអំណរគុណដល់ក្រុមសហការខេត្តប៉ៃលិន និងខេត្តស្វាយរៀង និងអបអរសាទរក្រុម K៧៣ ដែលបានត្រឡប់មកប្រទេសវិញប្រកបដោយសុវត្ថិភាព។ ទន្ទឹមនឹងនោះ ក្រុមបានទៅអុជធូបគោរពវិញ្ញាណក្ខន្ធយុទ្ធជនពលី នៅវិមានយុទ្ធជនពលីនៃក្រុម K៧៣៕

បកប្រែដោយ Thanh Cong