ដើម្បីអាស៊ីអាគ្នេយ៍មួយប្រកបដោយសន្តិភាព និងវិបុលភាព

យើងជាតែមួយ

នាល្ងាចថ្ងៃទី៩ ខែធ្នូ ផ្លូវទាំងអស់នៅទីក្រុងបាងកកហាក់ដូចជានាំទៅដល់ពហុកីឡដ្ឋាន Rajamangala។ នៅខាងក្នុង អ្នកគាំទ្ររាប់ម៉ឺននាក់បានបង្កើតបរិយាកាសរីករាយ។  ពិធីបើកការប្រកួតកីឡាស៊ីហ្គេមលើកទី៣៣ បាននាំមកនូវទស្សនីយភាពសិល្បៈដ៏អស្ចារ្យ និងពោរពេញទៅដោយអត្តសញ្ញាណវប្បធម៌។

តំណាងនៃគណៈប្រតិភូកីឡាវៀតណាមចូលរួមក្នុងក្បួនដង្ហែរនៅក្នុងពិធីបើកការប្រកួតកីឡាស៊ីហ្គេមលើកទី៣៣

ជាមួយនឹងសារសំខាន់ "យើងជាតែមួយ" ពិធីបើកការប្រកួតកីឡាស៊ីហ្គេមលើកទី៣៣ បានសង្កត់ធ្ងន់លើសាមគ្គីភាព និងការតភ្ជាប់របស់អាស៊ាន។ ពិធីបើកការប្រកួតកីឡាស៊ីហ្គេមលើកទី៣៣ បានចាប់ផ្តើមរំលឹកដល់ប្រភពដើមនៃកីឡាស៊ីហ្គេម នៅពេលដែលប្រទេសថៃបានធ្វើជាម្ចាស់ផ្ទះនៃការប្រកួតកីឡាអាស៊ីអាគ្នេយ៍លើកដំបូងនៅឆ្នាំ១៩៥៩ ដែលក៏នៅទីក្រុងបាងកកផងដែរ។ នៅក្នុងបរិយាកាសរីករាយ បទចម្រៀង "បំភ្លឺការប្រកួត" បានបញ្ជាក់ជាថ្មីនូវគោលដៅជាប់លាប់នៃការប្រកួតកីឡាស៊ីហ្គេមក្នុងរយៈពេល ៦៦ ឆ្នាំកន្លងមកនេះនោះគឺ ពង្រឹងកិច្ចសហប្រតិបត្តិការ ការយោគយល់ និងចំណងមិត្តភាពរវាងប្រទេសនានាក្នុងតំបន់។

កម្មវិធីសិល្បៈត្រូវបានរៀបចំឡើងជា ៥ ផ្នែកសំខាន់ៗ ដែលផ្នែកនីមួយៗមានចំណុចលេចធ្លោរៀងៗខ្លួន រួមមាន៖ ដំណើរទៅកាន់ប្រភពដើមនៃការប្រកួតកីឡាស៊ីហ្គេម ការជំរុញចំណង់ចំណូលចិត្តចំពោះការប្រកួតប្រជែង ការបញ្ជាក់ពីភាពចម្រុះវប្បធម៌អាស៊ាន ការគោរពស្មារតីកីឡា និងការស្វាគមន៍នៃចំណងមិត្តភាព៖ "យើងជាតែមួយ"។

ការសម្តែងសិល្បៈនៅក្នុងពិធីបើកការប្រកួតកីឡាស៊ីហ្គេមលើកទី៣៣

ពហុកីឡដ្ឋាន Rajamangala ហាក់ដូចជាបានផ្លាស់ប្តូរទៅជាមហាសមុទ្រ ក្នុងទស្សនីយភាព "ទន្លេនៃចំណងមិត្តភាព"។  ខណៈការសម្តែងហែលទឹក និងម៉ូតូដែលបានធ្វើឡើងនៅក្នុងពហុកីឡដ្ឋានដ៏អស្ចារ្យ។ កម្មវិធីនេះមានអត្ថន័យ៖ ប្រទេសនីមួយៗមានអត្តសញ្ញាណវប្បធម៌ផ្ទាល់ខ្លួន ប៉ុន្តែប្រទេសទាំងអស់ហាក់ដូចជាចែករំលែកលំហូររួបរួមមួយហៅថាអាស៊ាន។

មានប្រសាសន៍នៅក្នុងពិធីបើកស៊ីហ្គេមលើកទី៣៣ លោក Anutin Charnvirakul នាយករដ្ឋមន្ត្រីថៃ បានសង្កត់ធ្ងន់ថា ប្រទេសថៃមានកិត្តិយសណាស់ដែលបានធ្វើជាម្ចាស់ផ្ទះរៀបចំការប្រកួតកីឡាស៊ីហ្គេមលើកទី៣៣។ ក្នុងស្មារតីសាមគ្គីភាពរបស់ប្រទេសអាស៊ីអាគ្នេយ៍ទាំង១១ យើងនឹងខិតខំប្រឹងប្រែងបង្កើតពិធីបុណ្យកីឡាដ៏គួរឱ្យចងចាំ និងឆ្ពោះទៅរកជោគជ័យរួម។

ចូរយើងចូលរួមពួតដៃគ្នា និងឈានទៅមុខ

អស់រយៈពេលជិតមួយសប្តាហ៍កន្លងមក បរិយាកាសនៃការប្រកួតកីឡាស៊ីហ្គេមលើកទី៣៣ បានគ្របដណ្តប់លើទឹកដីនៃប្រទេសថៃ និងនៅលើប្រព័ន្ធផ្សព្វផ្សាយនៃប្រទេសចំនួន១១ នៅក្នុងតំបន់។ ពីទីក្រុងបាងកកដល់ខេត្ត Chonburi បាល់ទាត់ បេស្បល វាយសី... បានកើតឡើងយ៉ាងទាក់ទាញ ដែលនាំមកនូវពេលវេលានៃជ័យជម្នះ និងការសោកស្ដាយផងដែរ។

អតីតអ្នកប្រដាល់ Panipak Wongpattanakit ក្នុងអំឡុងពេលពិធីដុតភ្លើងគប់នៃការប្រកួតកីឡាស៊ីហ្គេមលើកទី៣៣

ទោះបីជាមានដែនកំណត់មួយចំនួនក្នុងការរៀបចំសម្រាប់ការប្រកួតកីឡាស៊ីហ្គេមលើកទី៣៣ ដូចជាស្ថានភាពទឹកជំនន់ដ៏ស្មុគស្មាញនៅភាគខាងត្បូងប្រទេសថៃ ដែលនាំឱ្យមានការលុបចោលព្រឹត្តិការណ៍ដែលបានគ្រោងទុកនៅខេត្ត Songkhla ក៏ដោយក៏ ប្រទេសថៃបានបង្ហាញពីភាពបត់បែនក្នុងការប្រឈមមុខនឹងភាពលំបាក និងបង្ហាញពីហេដ្ឋារចនាសម្ព័ន្ធកីឡាដ៏ទូលំទូលាយរបស់ខ្លួន ដោយផ្លាស់ប្តូរព្រឹត្តិការណ៍ទាំងអស់ពីខេត្ត Songkhla ទៅទីក្រុងបាងកក។

ការប្រកួតកីឡាស៊ីហ្គេមលើកទី ៣៣ ដែលបានធ្វើឡើងចាប់ពីថ្ងៃទី ៩ ដល់ថ្ងៃទី ២០ ខែធ្នូ បានរៀបចំវិញ្ញាសារផ្លូវការចំនួន ៥០ ជាមួយនឹងព្រឹត្តិការណ៍ចំនួន ៥៧៤។ គណៈប្រតិភូកីឡាវៀតណាមបានចូលរួមជាមួយសមាជិកជាង ១,១០០ នាក់ដោយមានឆន្ទៈយកឈ្នះលើដែនកំណត់ផ្ទាល់ខ្លួន បង្ហាញពីស្មារតីវៀតណាមនៅពេលប្រកួតប្រជែងដើម្បីសម្រេចបានលទ្ធផលខ្ពស់បំផុត នាំមកនូវសិរីរុងរឿងដល់មាតុភូមិ។

នៅពេលដែលអតីតអ្នកប្រដាល់ Panipak Wongpattanakit - ជើងឯកអូឡាំពិកក្នុងតេក្វាន់ដូពីរអាណត្តិជាប់ៗគ្នា - បានដុតភ្លើងនៅពហុកីឡដ្ឋាន Rajamangala វាក៏ជាពេលវេលាដែលកីឡាអាស៊ីអាគ្នេយ៍មើលទៅទិសដៅដូចគ្នានៃជំនឿ សេចក្តីប្រាថ្នា និងការទម្លាយភាពទាល់ច្រក៕

បកប្រែដោយ Huyen Trang