គណៈប្រតិភូកីឡាវៀតណាមឈរនៅចំណាត់ថ្នាក់ទី ១

មេដាយមាសមួយទៀតរបស់វៀតណាមបានទៅលើវិញ្ញាសាគុនដាវរបស់កីឡាករ Cao Minh Duyet, Pham Quoc Tai, Nguyen Van Hai និង Nguyen Minh Quang។

ក្នុងប្រភេទប្រដាល់ អ្នកប្រដាល់ Nguyen Xuan Phuong បានយកឈ្នះលើទម្ងន់ក្រោម ៦០ គីឡូក្រាម បន្ទាប់ពីយកឈ្នះគូប្រកួតឡាវ Soukan Taipanyavong ក្នុងលទ្ធផល ៣-០ នៅវគ្គផ្តាច់ព្រ័ត្រ។ ក្នុងប្រភេទទម្ងន់ក្រោម ៦៧ គីឡូក្រាមវគ្គផ្តាច់​ព្រ័ត្រ អ្នកប្រដាល់ Nguyen Hoang បានឈ្នះមេដាយមាសបន្ទាប់ពីឈ្នះគូប្រកួតហ្វីលីពីន។

ភាពសប្បាយរីករាយរបស់សមាជិកក្រុមលើកទម្ងន់វៀតណាមពេលបំពេញភារកិច្ចដោយជោគជ័យ

ក្នុងវិញ្ញាសាប្រកួតទូកប្រពៃណី ក្រុមវៀតណាមដណ្តើមបានមេដាយមាសលើវិញ្ញាសា ៨០០ ម៉ែត្រ ១២ នាក់បុរស និងស្ត្រី ដោយប្រើថិរវេលា ៧ នាទី ៤៥ វិនាទី ១៣៥។

ក្នុងវិញ្ញាសាបាល់ទាត់បុរស ក្រុម U.22 វៀតណាម បានយកឈ្នះក្រុម U.22 មីយ៉ាន់ម៉ា ៣-១ ដើម្បីដណ្តើមបានមេដាយសំរឹទ្ធ។ នៅវគ្គផ្តាច់ព្រ័ត្រ U.22 ឥណ្ឌូណេស៊ី បានយកឈ្នះ U.22 ថៃ ៥-២ ក្នុងការប្រកួតដែលមានកាតក្រហម ៧ និង កាត​លឿង ១២ សន្លឹក ដើម្បីឈ្នះមេដាយមាសស៊ីហ្គេមបន្ទាប់ពីរង់ចាំអស់រយៈពេល ៣២ ឆ្នាំ។

នៅចុងបញ្ចប់នៃការប្រកួតកីឡាស៊ីហ្គេមលើកទី៣២ គណៈប្រតិភូកីឡាវៀតណាមឈរនៅចំណាត់ថ្នាក់ទី១ ដោយទទួលបានមេដាយមាសចំនួន ១៣៦ គ្រឿង មេដាយប្រាក់ចំនួន ១០៥ គ្រឿង និងមេដាយសំរឹទ្ធចំនួន ១១៤ គ្រឿង ដែលលើសពីគោលដៅដែលបានកំណត់។

នៅយប់ថ្ងៃទី១៧ ឧសភា ពិធីបិទការប្រកួតកីឡាស៊ីហ្គេមលើកទី៣២ ត្រូវបានប្រព្រឹត្តទៅនៅកីឡដ្ឋានមរតកតេជោ (រាជធានីភ្នំពេញ ប្រទេសកម្ពុជា)៕

តារាងមេដាយក្នុងព្រឹត្ដិការការប្រកួតកីឡាស៊ីហ្គេម ៣២

បកប្រែដោយ Pham Diep