ផ្លាស់ប្តូរកីឡា ដើម្បីបង្កើនសាមគ្គីភាព វៀតណាម-ឡាវ
កប.អនឡាញ - នាព្រឹកថ្ងៃទី១៥ ខែកុម្ភៈ នៅទីលានវាយកូនហ្គោល Long Thanh ក្នុងរដ្ឋធានីវៀងច័ន្ទ ប្រទេសឡាវ បានប្រព្រឹត្តទៅការប្រកួតវាយកូនហ្គោលមិត្តភាពវៀតណាម-ឡាវ ឆ្នាំ២០២៥ ដែលជាពានរង្វាន់ Nam A Bank លើកទីមួយ។
អញ្ជើញចូលរួមក្នុងពិធីនេះមានឧបនាយករដ្ឋមន្ត្រីឡាវ លោក Saleumxay Kommasith និងលោក Kikeo Khaykhamphithoune។
    |
 |
|
អ្នកវាយកូនហ្គោលដែលចូលរួមក្នុងការប្រកួតបានថតរូបទុកជាអនុស្សាវរីយ៍មុនពេលពិធីបើក (រូបថត៖ vnanet.vn) |
ថ្លែងមតិក្នុងពិធីបើកព្រឹត្តិការណ៍នេះ លោក Nguyen Minh Tam ឯកអគ្គរដ្ឋទូតវៀតណាមប្រចាំនៅឡាវ បានចាត់ទុកថា នេះជាសកម្មភាពមួយក្នុងចំណោមសកម្មភាពជំរុញកិច្ចការការទូតប្រជាជន កិច្ចសហប្រតិបត្តិការអាជីវកម្ម និងការវិនិយោគរវាងសហគមន៍ធុរកិច្ច និងសហគ្រិន វៀតណាម-ឡាវ។ ទន្ទឹមនឹងនោះ នេះក៏ជាឱកាសសម្រាប់កីឡាករវាយកូនហ្គោល សហគ្រិន និងអ្នកចូលរួម ផ្លាស់ប្តូរ តភ្ជាប់ និងចែករំលែកបទពិសោធន៍ ដើម្បីពង្រឹង និងរឹតបន្តឹងទំនាក់ទំនងរវាងប្រទេសទាំងពីរ វៀតណាម-ឡាវ។
បន្ទាប់ពីពិធីបើក កីឡាករវាយកូនហ្គោលវៀតណាម និងឡាវបានចូលរួមប្រកួតក្នុងខ្លឹមសារជាច្រើន៕
បកប្រែដោយ Huyen Trang