វៀតណាមយកឈ្នះថៃក្នុងលទ្ធផល ២-១ នៃការប្រកួតវគ្គផ្ដាច់ព្រ័ត្រ ASEAN Cup 2024 ជើងទី១
កប.អនឡាញ - នាយប់ថ្ងៃទី ៣ ខែ មករា ក្រុមបាល់ទាត់ជម្រើសជាតិវៀតណាមក្រោមការដឹកនាំរបស់លោក Kim Sang-sik បានយកឈ្នះក្រុមបាល់ទាត់ជម្រើសជាតិថៃ ក្នុងលទ្ធផល ២-១ នៃការប្រកួតវគ្គផ្តាច់ព្រ័ត្រ ASEAN Cup 2024 ជើងទី១ នាកីឡដ្ឋាន Phu Tho ប្រទេសវៀតណាម។
ក្នុងការប្រកួតនេះ ក្រុមម្ចាស់ផ្ទះវៀតណាមបានបើកការនាំមុខមុនរហូតដល់ ២ គ្រាប់ ដោយខ្សែប្រយុទ្ធចូលសញ្ជាតិ Nguyen Xuan Son ទាំង២គ្រាប់ នៅនាទី ៥៩ និង ៧៣ ខណៈក្រុមបាល់ទាត់ជម្រើសជាតិថៃ រកបាន១គ្រាប់មកវិញ ដោយកីឡាករ Chalermsak Aukkee នៅនាទី៨៣។
នៅចុងបញ្ចប់ការប្រកួត៩០នាទី វៀតណាម ២-១ ថៃ។
    |
 |
|
វៀតណាមយកឈ្នះថៃក្នុងលទ្ធផល ២-១ នៃការប្រកួតវគ្គផ្ដាច់ព្រ័ត្រ ASEAN Cup 2024 ជើងទី១ |
ដោយសាររូបមន្តការប្រកួតវគ្គផ្ដាច់ព្រ័ត្រ ASEAN Cup ២០២៤នេះ មានភាពខុសប្លែកពីគេ ដោយត្រូវលេងចំនួនពីរជើង ពោលគឺលេងក្នុងដីម្នាក់ម្ដង ដូច្នេះក្រុមទាំងពីរនឹងត្រូវប្រកួតជើងទី២ នៅថ្ងៃទី៥ ខែមករា ឆ្នាំ២០២៥នេះ នាកីឡដ្ឋាន Rajamangala ប្រទេសថៃ ដើម្បីរកជើងឯក។
សូមបញ្ជាក់ថា គិតមកទល់ពេលនេះ កីឡាករចូលសញ្ជាតិរបស់វៀតណាម ដែលមានឈ្មោះថា Nguyen Xuan Son គឺជាអ្នកស៊ុតបញ្ចូលទីច្រើនជាងគេ ក្នុងការប្រកួតពានរង្វាន់នេះ ដោយមាន ៧ គ្រាប់៕
បកប្រែដោយ Pham Diep