ASEAN Cup 2024៖ វៀតណាមឈានចូលវគ្គផ្តាច់ព្រ័ត្រក្រោយពីយកឈ្នះលើក្រុមបាល់ទាត់សិង្ហបុរី

ក្រុមបាល់ទាត់ជម្រើសជាតិវៀតណាមបានបន្តយកឈ្នះសិង្ហបុរី ៣-១ ក្នុងជើងទី២ នាយប់ថ្ងៃទី ២៩ ខែធ្នូ នៃវគ្គពាក់កណ្ដាលផ្ដាច់ព្រ័ត្រដើម្បីឡើងវគ្គផ្តាច់ព្រ័ត្រពានប្រចាំតំបន់អាស៊ីអាគ្នេយ៍មួយនេះជាលើកទី ៥ ក្រៅពីធ្លាប់ឈ្នះជើងឯក ២ លើករួចមក។​ គួររំលឹកថា កាលពីថ្ងៃទី២៦ ខែធ្នូ ក្រុមបាល់ទាត់សិង្ហបុរីបានចាញ់វៀតណាមលទ្ធផល ២-០ ក្នុងជំនួបជើងទី ១ នៃវគ្គពាក់កណ្ដាលផ្ដាច់ព្រ័ត្រ។

វៀតណាមឈានចូលវគ្គផ្តាច់ព្រ័ត្រក្រោយពីយកឈ្នះលើក្រុមបាល់ទាត់សិង្ហបុរី

សូមបញ្ជាក់ថា ក្នុងវគ្គពាក់កណ្ដាលផ្ដាច់ព្រ័ត្រនាថ្ងៃទី៣០ ខែធ្នូ ក្រុមបាល់ទាត់ជម្រើសជាតិថៃ ក៏ត្រូវទទួលក្រុមបាល់ទាត់ជម្រើសហ្វីលីពីននៅកីឡដ្ឋាន Rajamangala វេលាម៉ោង ៨:០០ យប់។ ក្នុងជំនួបជើងទី១ ក្រុមជម្រើសជាតិថៃបានចាញ់ហ្វីលីពីន លទ្ធផល២-១ នៅកីឡដ្ឋាន Rizal Memorial កាលពីថ្ងៃទី២៧ ខែធ្នូ។ ជ័យជម្នះរបស់ហ្វីលីពីននេះគឺជាលើកទី១ ដែលយកឈ្នះជម្រើសជាតិថៃ។

អាស្រ័យហេតុនេះ ក្រុមបាល់ទាត់ជម្រើសជាតិវៀតណាមត្រូវរង់ចាំហ្វីលីពីន ឬ ថៃក្នុងការដណ្តើមជើងឯក ASEAN Cup 2024៕

បកប្រែដោយ Thanh Cong