ទីក្រុងហាណូយស្ថិតក្នុងបញ្ជីគោលដៅទេសចរណ៍សុវត្ថិភាពបំផុតសម្រាប់ស្ត្រីដែលធ្វើដំណើរតែម្នាក់ឯង
កប.អនឡាញ - ទីក្រុងហាណូយជាប់ចំណាត់ថ្នាក់ទី ៤ ក្នុងបញ្ជីគោលដៅទេសចរណ៍ សុវត្ថិភាពបំផុតទាំង ៥ ក្នុងតំបន់សម្រាប់ស្ត្រីដែលធ្វើដំណើរតែម្នាក់ឯង របស់ Tripzilla ជាគេហទំព័រទេសចរណ៍ឈានមុខនៅអាស៊ីអាគ្នេយ៍។ យោងតាម Tripzilla ទីក្រុងហាណូយគឺជាគោលដៅដែលមានសុវត្ថិភាព៖ មិនសូវកើតមានឧក្រិដ្ឋកម្មដោយហិង្សាលើភ្ញៀវទេសចរឡើយ។
ទីក្រុងហាណូយមានលក្ខណៈវប្បធម៌ពិសេសជាច្រើនដែលភ្ញៀវទេសចរគួរចំណាយពេលស្វែងយល់ ដូចជាផ្លូវតូចៗ ផ្ទះបុរាណ និងកន្លែងទេសចរណ៍ល្បីៗ ដូចជា វិហារកាតូលិកធំ មណ្ឌលកេរ្តិ៍ដំណែល Van Mieu - Quoc Tu Giam ជាដើម។
គេហទំព័រទេសចរណ៍ Travelawaits របស់សហរដ្ឋអាមេរិក បានចុះផ្សាយអត្ថបទមួយដែលឧទ្ទេសនាមពីគោលដៅទេសចរណ៍ទាំង ៨ ដែលមានសុវត្ថិភាពបំផុតសម្រាប់ការធ្វើដំណើរតែម្នាក់ឯង ដែលក្នុងនោះទីក្រុងហាណូយ ស្ថិតក្នុងលំដាប់ទីពីរ។ យោងតាមអត្ថបទនោះ វៀតណាមជាប្រទេសមួយដ៏អស្ចារ្យ ហើយជាកន្លែងដែលភ្ញៀវទេសចរអាចមានអារម្មណ៍សុវត្ថិភាព នៅពេលដើរតាមផ្លូវដោយមិនចាំបាច់ពិនិត្យជុំវិញខ្លួន ឬយកម៉ាស៊ីនថតរូបទៅតាម៕
បកប្រែដោយ Thuy Anh