ការកសាងក្រមលក្ខណៈវិនិច្ឆ័យសម្រាប់ទេសចរណ៍ប្រកបដោយសុវត្ថិភាព
កប.អនឡាញ - នៅថ្ងៃទី១៩ ខែកុម្ភៈ អគ្គនាយកដ្ឋានទេសចរណ៍ នៃក្រសួងវប្បធម៌ កីឡា និងទេសចរណ៍វៀតណាមឲ្យដឹងថា តាមគម្រោងចាប់ពីពេលនេះរហូតដល់ដំណាច់ខែកុម្ភៈ ឆ្នាំ២០២០ អគ្គនាយកដ្ឋានទេសចរណ៍នឹងបង្កើតក្រុមការងារចំនួន ៤ ទៅកាន់ខេត្ត Quang Ninh, Lao Cai, Thua Thien-Hue, Da Nang, Quang Nam, Khanh Hoa, ទីក្រុងហូជីមិញ, Can Tho, Kien Giang … សំដៅសម្រេចក្រមលក្ខណៈវិនិច្ឆ័យសម្រាប់ទេសចរណ៍ប្រកបដោយសុវត្ថិភាពក្នុងពេលឆាប់ៗ ដើម្បីធានាសុវត្ថិភាពដល់ភ្ញៀវទេសចរក្នុងការធ្វើដំណើរកម្សាន្តនៅប្រទេសវៀតណាម ។
    |
 |
|
ភ្ញៀវទេសចរអន្តរជាតិមកកាន់ប្រទេសវៀតណាម |
បណ្តាក្រុមបេសកកម្មនេះនឹងធ្វើការជាមួយស្ថាប័នមានសមត្ថកិច្ច សមាគមទេសចរណ៍ និងសហគ្រាសនៅមូលដ្ឋានដើម្បីស្វែងយល់អំពីការអនុវត្តវិធានការទប់ស្កាត់ការឆ្លងរាលដាលនៃមេរោគកូរ៉ូណាថ្មី (COVID-១៩) ក្នុងវិស័យទេសចរណ៍នៅមូលដ្ឋាននានា។
លក្ខណៈវិនិច្ឆ័យទាំងនេះគឺផ្តោតទៅលើមធ្យោយបាយដឹកជញ្ជូន ច្រកព្រំដែន ស្ថានីយ៍រថភ្លើង និងព្រលានយន្តហោះ រួមទាំងតំបន់ទេសចរណ៍ កន្លែងកម្សាន្ត កន្លែងលក់ទំនិញ និងកន្លែងស្នាក់នៅរបស់ភ្ញៀវទេសចរ ... ដើម្បីធានាសុវត្ថិភាពខ្ពស់បំផុតសម្រាប់អតិថិជននៅពេលប្រើប្រាស់សេវាកម្ម។ ម៉្យាងវិញទៀត ការផ្សព្វផ្សាយត្រូវបានជម្រុញបន្ថែមទៀតដើម្បីបញ្ជាក់ថាវៀតណាមជានិច្ចកាលជាគោលដៅប្រកបដោយសុវត្ថិភាព និងរួសរាយរាក់ទាក់សម្រាប់ភ្ញៀវទេសចរទាំងអស់៕
បកប្រែដោយ Duy Hoan