វៀតណាមនិងនូវែលសេឡង់ជំរុញកិច្ចសហប្រតិបត្តិការលើវិស័យអប់រំវិជ្ជាជីវៈ
កប.អនឡាញ - នាថ្ងៃទី ២០ ខែកក្កដា នៅទីក្រុងហាណូយ អគ្គនាយកដ្ឋានអប់រំវិជ្ជាជីវៈវៀតណាមនិងអង្គការសហប្រតិបត្តិការអន្តររដ្ឋាភិបាលនូវែលសេឡង់ (G2G) បានចុះហត្ថលេខាលើកិច្ចព្រមព្រៀងស្ដីពីកិច្ចសហប្រតិបត្តិការលើវិស័យអប់រំវិជ្ជាជីវៈ ដោយឯកអគ្គរដ្ឋទូតនូវែលសេឡង់ប្រចាំនៅប្រទេសវៀតណាម លោកស្រី Wendy Matthews និងលោកបណ្ឌិត Truong Anh Dung អគ្គនាយកនៃអគ្គនាយកដ្ឋានអប់រំវិជ្ជាជីវៈនៃក្រសួងការងារយុទ្ធជនពិការនិងសង្គមកិច្ចវៀតណាម។
|
|
ឯកអគ្គរដ្ឋទូតនូវែលសេឡង់ប្រចាំនៅប្រទេសវៀតណាម លោកស្រី Wendy Matthews និងលោកបណ្ឌិត Truong Anh Dung អគ្គនាយកនៃអគ្គនាយកដ្ឋានអប់រំវិជ្ជាជីវៈ (រូបថត៖ vietnamplus.vn) |
នេះគឺជាមូលដ្ឋានគ្រឹះសម្រាប់ការចែករំលែកបទពិសោធន៍និងមេរៀនដែលទទួលបានជោគជ័យក្នុងគោលនយោបាយអប់រំវិជ្ជាជីវៈ ក៏ដូចជាការផ្សាភ្ជាប់រវាងសាលារៀននិងសហគ្រាសដែរ។
ក្នុងក្របខ័ណ្ឌនៃកិច្ចសហប្រតិបត្តិការនេះ អង្គការ G2G របស់នូវែលសេឡង់នឹងរួមចំណែកលើកកម្ពស់គុណភាពពលករវៀតណាមតាមរយៈការជំរុញកិច្ចសហប្រតិបត្តិការរវាងទីភ្នាក់ងារទាំងឡាយនៃប្រទេសនូវែលសេឡង់ជាមួយអគ្គនាយកដ្ឋានអប់រំវិជ្ជាជីវៈវៀតណាម។
ដោយមានប្រព័ន្ធអប់រំមានគុណភាពខ្ពស់និងបទពិសោធន៍ជាច្រើនឆ្នាំក្នុងវិស័យបណ្តុះបណ្តាលវិជ្ជាជីវៈ ប្រទេសនូវែលសេឡង់តែងតែត្រៀមខ្លួនអនុវត្តកម្មវិធីសហប្រតិបត្ដិការដើម្បីលើកកម្ពស់គុណភាពនៃប្រព័ន្ធអប់រំវិជ្ជាជីវៈរបស់វៀតណាម តាមរយៈនោះលើកកម្ពស់លទ្ធភាពប្រកួតប្រជែងនិងគុណភាពនៃធនធានមនុស្សដើម្បីឆ្លើយតបនឹងតម្រូវការខ្ពស់សម្រាប់ធនធានមនុស្សសកល។
លោក Truong Anh Dung បានវាយតម្លៃថា ក្នុងរយៈពេលប៉ុន្មានឆ្នាំថ្មីៗនេះ ការងារអប់រំវិជ្ជាជីវៈនៅវៀតណាមទទួលបានលទ្ធផលដំបូងយ៉ាងសំខាន់។ ការយល់ដឹងរបស់សហគ្រាសលើការអប់រំវិជ្ជាជីវៈមានការផ្លាស់ប្តូរជាវិជ្ជមាន ចំនួនមនុស្សដែលចូលរួមអប់រំវិជ្ជាជីវៈកំពុងកាន់តែកើនឡើង និងអត្រានិស្សិតបញ្ចប់ការសិក្សាមានការងារធ្វើខ្ពស់និងប្រាក់ចំណូលមានស្ថិរភាពផងដែរ៕
បកប្រែដោយ Pham Diep